Read Кыргыз тилиндеги Жаны Келишим (Луч Надежды) Жакып 1 Bible Online

Жакып 1 - Кыргыз тилиндеги Жаны Келишим (Луч Надежды) bible

Жакып 1

¹1 Кудайдын жана Теңир Ыйса Машайактын кулу Жакыптан Ысрайыл элинин тарап кеткен он эки уруусуна салам!

²2 Бир туугандарым, башыңарга келген ар кандай сыноолорду зор кубаныч менен кабыл алгыла.

³3 Анткени сыналган ишенимиңер чыдамкайлыкты жаратарын билесиңер.

⁴4 Бардык жагынан жеткилең, эч кемчиликсиз болушуңар үчүн, чыдамкайлык жеткилең аракетке ээ болушу керек.

⁵5 Кимиңерге акылмандык жетишпей жатса, баарына берешендик менен, жемелебестен берген Кудайдан сурасын, ага берилет.

⁶6 Бирок эч шектенбестен, ишеним менен сурасын. Анткени шектенген адам шамал айдаган деңиз толкунуна окшош.

⁷7 Мындай адам Теңирден бир нерсе алам деп ойлобой эле койсун.

⁸8 Эки ойлуу адам өзүнүн бардык жолдорунда туруксуз.

⁹9 Басынтылган бир тууган өзүнүн бийиктиги менен сыймыктансын.

¹⁰10 Ал эми бай бир тууган өзүнүн басынтылгандыгы менен сыймыктансын, анткени ал чөптүн гүлүнө окшоп тез эле соолуп калат.

¹¹11 Күн чыгып, аптап болуп турганда, чөп куурап, гүлү күбүлүп түшүп, кооздугу кетет. Ошол сыяктуу эле бай адам да өзүнүн жолдорунда куурайт.

¹²12 Сыноолорду башынан өткөрүп жаткан адам бактылуу. Анткени сыноодон өткөндөн кийин, ал адам Теңир Өзүн сүйгөндөргө убада кылган өмүр таажысын алат.

¹³13 Азгырылып жатканда, эч ким: «Кудай мени азгырып жатат», - деп айтпасын. Анткени Кудай жамандыкка азгырылбайт жана эч кимди азгырбайт.

¹⁴14 Тескерисинче, ар ким өзүнүн кумарына берилип, алданып азгырылат.

¹⁵15 Кумар түйүлүп, күнөө туулат. Ал эми кылынган күнөө өлүмгө дуушар кылат.

¹⁶16 Сүйүктүү бир туугандарым, алданбагыла!

¹⁷17 Ар кандай жакшы нерсе, ар кандай жеткилең белек жогорудан, жарыктын Атасынан келет. Анда эч кандай өзгөрүлүү жок, өзгөрүлүүнүн көлөкөсү да жок.

¹⁸18 Жараткандарынын ичинен биринчилери болуубуз үчүн, Ал бизди Өз каалоосу боюнча чындык сөзү аркылуу жаратты.

¹⁹19 Сүйүктүү бир туугандарым, ар бир адам укканга даяр болсун, ойлонуп сүйлөсүн, ачууга алдырбасын.

²⁰20 Анткени ачууланган адам Кудайга жаккан ишти жасабайт.

²¹21 Ошондуктан ар кандай ыпыластыкты жана калган жаман адаттарыңарды таштап, жүрөгүңөргө себилип жаткан, жаныңарды куткара ала турган сөздү момундук менен кабыл алгыла.

²²22 Сөздү угуучулар гана болуп, өзүңөрдү алдабастан, сөздү аткаруучулар болгула.

²³23 Сөздү угуп, бирок аткарбаган адамды күзгүгө каранып, ары басары менен өзүнүн кандай экенин унутуп койгон адамга окшоштурса болот.

²⁵25 Жеткилең мыйзамга, эркиндиктин мыйзамына, дитин коюп, ошол мыйзам боюнча жашаган адам унутчаак угуучу эмес, аткаруучу болуп, өз иш-аракетинен бакыт табат.

²⁶26 Ким өзүн такыбаа эсептесе, бирок тилин тартпаса, анда ал өзүн өзү алдап жатат, анын такыбаалыгы - курулай такыбаалык.

²⁷27 Кудай Атанын алдындагы таза жана кемчиликсиз такыбаалык - бул жетим-жесирлерге кам көрүү жана өзүн бул дүйнөдө таза сактоо.