Read Кыргыз тилиндеги Жаны Келишим (Луч Надежды) Жакып 2 Bible Online

Жакып 2 - Кыргыз тилиндеги Жаны Келишим (Луч Надежды) bible

Жакып 2

¹1 Бир туугандарым, даңктуу Теңирибиз Ыйса Машайакка ишенгендер катары бет карамалык кылуудан сак болгула.

²2 Чогулушуңарга алтын шакек тагынган, кымбат баалуу кийим кийген адам жана жупуну кийинген жарды адам келсе,

³3 силер кымбат баалуу кийим кийген адамды карап: «Сен бул жерге отурсаң болот», - деп, ал эми жарды адамга: «Сен тигил жерге тур же менин ылдый жагыма отур», - десеңер,

⁴4 анда адамдарды алакчылаган адилетсиз сот болуп жаткан жоксуңарбы?

⁵5 Кулак салгылачы, сүйүктүү бир туугандарым! Ишенимге бай болушсун, Өзүн сүйгөндөргө убада кылган Падышачылыктын мурасчылары болушсун деп, Кудай бул дүйнөнүн жардыларын тандап алган жок беле?

⁶6 Силер болсо жардыны кемсинтип жатасыңар. Силерди кысымга алып, сотторго сүйрөп барып жаткандар байлар эмеспи?!

⁷7 Силер алып жүргөн жакшы атты жаманатты кылып жаткандар ошолор эмеспи?!

⁸8 Эгерде силер Падышанын Ыйык Жазуудагы «Өзүңдү кандай сүйсөң, жакыныңды да ошондой сүй» деген мыйзамын аткарып жатсаңар, анда жакшы кылып жатасыңар.

⁹9 Эгерде бет карамалык кылып жатсаңар, анда күнөө кылып жатасыңар жана мыйзам алдында кылмышкерсиңер.

¹⁰10 Ким мыйзамдын баарын аткарып жүрүп, алардын бирин эле бузса, бүт мыйзамды бузган болот.

¹¹11 Анткени «Ойноштук кылба» деген Кудай «Киши өлтүрбө» деп да айткан. Эгерде сен ойноштук кылбасаң, бирок киши өлтүрсөң, баары бир мыйзамды бузуучу болосуң.

¹²12 Силер эркиндик мыйзамы боюнча соттолуучуларсыңар, ошондуктан сүйлөгөн сөзүңөр менен кылган ишиңер ошого ылайык болсун.

¹³13 Анткени ырайым кылбаган адам ырайымсыздык менен соттолот. Ырайым соттон жогору.

¹⁴14 Бир туугандарым, ким ишенем десе, бирок ишенимине ылайык иштерди кылбаса, андан эмне пайда? Ошондой ишеним аны куткара алабы?

¹⁵15 Эгерде бир туугандарыңардын киер кийими, ичер тамагы жок болсо,

¹⁶16 араңардан бирөө аларга: «Тынчтык менен баргыла. Жылуу кийингиле, курсагыңарды тойгузгула», - десе, бирок алардын денесине керектүүнү бербесе, андан эмне пайда?

¹⁷17 Ошол сыяктуу эле ишсиз ишеним - өлүк ишеним.

¹⁸18 Бирок кимдир бирөө минтип айтышы мүмкүн: «Сенин ишенимиң бар, ал эми менин иштерим бар. Мага ишсиз ишенимиңди көрсөт, мен болсо сага иштерим аркылуу ишенимимди көрсөтөйүн».

¹⁹19 Сен Кудайдын бирөө экендигине ишенесиң, мунуң жакшы. Бирок жиндер да ишенип, титиреп турушат.

²⁰20 Акылсыз адам, ишсиз ишеним өлүк экенин билгиң келеби?

²¹21 Өз уулу Ыскакты курмандыкка чалмакчы болгон атабыз Ыбрайым иши менен акталган жок беле?

²²22 Көрдүңбү, анын ишеними иштери менен коштолгон. Ишеним иштер аркылуу жеткилеңдикке жетти.

²³23 Ошентип, Ыйык Жазуудагы «Ыбрайым Теңирге ишенди. Ишеними ага адилдик катары эсептелди» деген сөз аткарылып, Ыбрайым Кудайдын досу аталды.

²⁴24 Көрдүңөрбү, адам ишеними менен гана эмес, иштери менен да акталат.

²⁵25 Чалгынчыларды үйүнө кабыл алып, андан кийин башка жол менен узатып жиберген бузулган аял Рахап да иши менен акталган жок беле?

²⁶26 Демек, рухсуз дене өлүк болгон сыяктуу эле, ишсиз ишеним да өлүк.