Read Кыргыз тилиндеги Жаны Келишим (Луч Надежды) Жакып 3 Bible Online

Жакып 3 - Кыргыз тилиндеги Жаны Келишим (Луч Надежды) bible

Жакып 3

¹1 Бир туугандарым, бизге, окутуучуларга, сурак катуураак болорун билесиңер, ошондуктан баарыңар эле окутуучу боло бербегиле.

²2 Анткени баарыбыз көп жаңылабыз. Оозунан жаңылбаган адам - бүт денесин ооздуктай алган жеткилең адам.

³3 Баш ийдириш үчүн, биз атты ооздуктап, анын бүт денесин башкарабыз.

⁴4 Кеме канчалык чоң болсо да, канчалык катуу шамалдар менен жүрсө да, кемечи аны кичинекей эле бургуч менен каалаган жагына бурат.

⁵5 Ошол сыяктуу тил да дененин кичинекей эле мүчөсү, бирок көп нерсе кылат. Оттун кичинекей эле учкуну чоң токойду өрттөп жок кылат.

⁶6 Тил да - от, адилетсиз дүйнө. Денебиздин кичинекей эле жеринен орун алса да, ал бүт денебизди булгайт. Отту көлдүн оту менен тутангандыктан, бүт жашообузду өрттөп жок кылат.

⁷7 Бардык жырткычтар, канаттуулар, сойлоочулар, деңиз жаныбарлары адам баласы тарабынан багындырылган жана багындырылып жатат.

⁸8 Ал эми тилди эч бир адам багындыра албайт. Тил - ээ-жаа бербеген жамандык. Ал өлтүрүүчү ууга толгон.

⁹9 Тилибиз менен Кудайды, Атаны, даңктайбыз, тилибиз менен Кудайдын бейнеси боюнча жаратылган адамдарды каргайбыз.

¹⁰10 Бир эле ооздон даңктоо да, каргоо да чыгат. Бир туугандарым, мындай болбошу керек.

¹¹11 Бир эле булактан таза суу да, шор суу да чыгышы мүмкүнбү?

¹²12 Бир туугандарым, анжыр дарагы зайтун, жүзүм багы анжыр бере албайт. Ошол сыяктуу эле шор булактан таза суу чыкпайт!

¹³13 Араңарда ким акылдуу жана эстүү? Ал өзүнүн ошондой экендигин жакшы жүрүм-туруму менен, акылдуу момундугу менен көрсөтсүн.

¹⁴14 Эгерде жүрөгүңөрдө ачуу ичи тарлык жана өзүмчүлдүк бар болсо, анда мактанбагыла жана чындыкты бурмалабагыла.

¹⁵15 Бул асмандан келген акылмандык эмес, жердеги, табигый, шайтандан келген акылмандык.

¹⁶16 Анткени кайсы жерде ичи тарлык жана менменсинген өзүмчүлдүк бар болсо, ал жерде тартипсиздик жана ар кандай жаман нерселер бар.

¹⁷17 Ал эми асмандан келген акылмандык баарынан мурун таза, андан кийин тынчтыкты сүйүүчү, момун, тил алчаак, боорукер, жакшы жемиштүү, калыс, эки жүздүү эмес.

¹⁸18 Ал эми адилеттиктин уругу тынчтыкты сактагандарга тынчтык менен себилет.