Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 107 Bible Online

Уэрэд 107 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 107

¹Даут и уэрэд

²Си гур хуэхьэзырщ, сигукӀэ сыбыдэщ, си Тхьэ; уэрэд жысӀэнущ, щӀыхьу сиӀэр уэрэдкӀэ сӀуэтэнущ. Къэуш, си псэ.

³Къэуш, пшынэдыкъуакъуэ, шыкӀэпшынэ! Сэ нэхущыр къэзгъэушынщ.

⁴ЦӀыху лъэпкъым сахэту, Зиусхьэн, уи щӀыхь сӀуэтэнщ сэ; лъэпкъ мащӀэхэм сахэту, уи щӀыхь уэрэдкӀэ сӀуэтэнщ.

⁵Сыту жыпӀэмэ уи лъагъуныгъэ мыкӀуэдыжыр уафэгум нэхърэ нэхъ лъагэщ, уи щыпкъагъэ пшэхэм нос.

⁶Уафэгум нэхъ лъагэу уӀэтауэ урехъу Уэ, ди Тхьэ! ДэнэкӀи щӀыгум щхьэщрелъагэ уи щӀыхьыр,

⁷Уэ фӀыуэ плъагъухэр къиным хэкӀыжыну; сыкъегъэли уиӀэ ижьымкӀэ, сыкъэлъагъу.

⁸И унэ лъапӀэм Тхьэм щыжиӀащ: «СогуфӀэ лъэщу, Шехэм згуэшынщ, Суккот кӀейри тезгуэшэнщ.

⁹Гилеад, Мэнашэ сысейщ; Эфраим — си тажщ; Иудэ — си дыщэ башщ.

¹⁰Моаб — зызэрыстхьэщӀ лэджэнщ, Эдом — си къатыр лъэгущ, си текӀуэныгъэм и макъыр филишт щӀыгум гуфӀэгъуэшхуэкӀэ сэ щысӀуэтэнщ».

¹¹Къалэ къегъэбыдэкӀам хэт сыдэзышэнур? Хэт сишэн Эдом?

¹²Ди Тхьэ, дубгынауэ ара? Ди дзэхэр гъусэ пщӀыуэ, щхьэ укъемыжьэрэ Уэ?

¹³Бийхэм датекӀуэну къыдэт дэӀэпыкъуэгъу — пщӀэншэщ цӀыхум ущыгугъыныр.

¹⁴Тхьэр ди гъусэмэ, дымыгъэхъэн щыӀэкъым. Ар ятекӀуэнщ ди бийхэм.