Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 114 Bible Online

Уэрэд 114 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 114

¹Зиусхьэным си тхьэлъэӀу, си лъэӀу макъ зэхихащи, Ар фӀыуэ солъагъу;

²и тхьэкӀумэр къысхуигъэзащи, сыпсэуху сэ Абы селъэӀунщ.

³Ажал Ӏэхъулъэхъум сызэщӀаубыдащ, хьэдрыхэ и шынагъуэхэр сэ къыстеуащ; сыхэхуащ гузэвэгъуэ — нэщхъеягъуэм.

⁴Абы щыгъуэ селъэӀуащ Зиусхьэным: «Зиусхьэн! Си псэр къегъэл».

⁵Хьэлэлщ Зиусхьэныр, иӀэщ щыпкъагъэ ди Тхьэ гущӀэгъущӀэм.

⁶Зиусхьэным цӀыху гупцӀанэхэр къехъумэ; къару симыӀэу сыхъуати, сыкъригъэлащ.

⁷Сигу, тыншыгъуэу уиӀар зэгъэгъуэтыж, сыту жыпӀэмэ Зиусхьэным уэ фӀыгъуэр къуипэсащ.

⁸Си псэр ажалым къыӀэщӀэпхыжащ Уэ, си нэхэр — нэпсым, си лъакъуэхэр лъэпощхьэпом ящыпхъумащ.

⁹Зиусхьэным и нэӀэм сыщӀэту, псэухэм я щӀыгу къыщызокӀухь.