Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 135 Bible Online

Уэрэд 135 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 135

¹Зиусхьэным щӀыхь хуэфщӀ, Ар фӀыщ, мыкӀуэдыжынщ Абы и лъагъуныгъэр.

²Тхьэхэм я Тхьэжым щӀыхь хуэфщӀ, мыкӀуэдыжынщ Абы и лъагъуныгъэр.

³Зиусхьэнхэм я Зиусхьэныжым щӀыхь хуэфщӀ, мыкӀуэдыжынщ Абы и лъагъуныгъэр;

⁴Зи закъуэу Ӏуэхушхуэ щӀагъуэхэр зэфӀэзыхын зылъэкӀым — мыкӀуэдыжынщ Абы и лъагъуныгъэр;

⁵акъылыфӀагъэкӀэ уафэхэр къэзыгъэщӀам — мыкӀуэдыжынщ Абы и лъагъуныгъэр;

⁶щӀыгур псыхэм тезыгъэувам — мыкӀуэдыжынщ Абы и лъагъуныгъэр;

⁷къэзыгъэнэху ин дыдэхэр къэзыгъэщӀам — мыкӀуэдыжынщ Абы и лъагъуныгъэр;

⁸дыгъэр — махуэр зэригъэкӀуэну, мыкӀуэдыжынщ Абы и лъагъуныгъэр;

⁹мазэр, вагъуэхэр зэрагъэкӀуэну, жэщыр — мыкӀуэдыжынщ Абы и лъагъуныгъэр;

¹⁰мысыр щыпэлъхухэр игъэкӀуэду — мыкӀуэдыжынщ Абы и лъагъуныгъэр;

¹¹израил лъэпкъыр Мысырым къизышыжам — мыкӀуэдыжынщ Абы и лъагъуныгъэр;

¹²Ӏэ быдэкӀэ, Ӏэ лъэщкӀэ ар зыщӀам — мыкӀуэдыжынщ Абы и лъагъуныгъэр;

¹³Хы Плъыжьыр зэгуэзыгъэкӀам — мыкӀуэдыжынщ Абы и лъагъуныгъэр;

¹⁴Израил абы пхрызышам — мыкӀуэдыжынщ Абы и лъагъуныгъэр;

¹⁵Хы Плъыжьым фирхьэунри абы и дзэри хэзыдзам — мыкӀуэдыжынщ Абы и лъагъуныгъэр;

¹⁶и цӀыху лъэпкъыр губгъуэ нэщӀым пхрызышам — мыкӀуэдыжынщ Абы и лъагъуныгъэр;

¹⁷пащтыхьышхуэхэр зыгъэкӀуэдам — мыкӀуэдыжынщ Абы и лъагъуныгъэр;

¹⁸зыукӀам пащтыхь цӀэрыӀуэхэр — мыкӀуэдыжынщ Абы и лъагъуныгъэр;

¹⁹эморхэм я пащтыхь Сихон зыукӀам — мыкӀуэдыжынщ Абы и лъагъуныгъэр;

²⁰башанхэм я пащтыхьу Ог зи цӀэр зыукӀам — мыкӀуэдыжынщ Абы и лъагъуныгъэр;

²¹абыхэм я щӀыгур Ӏыхьэу зытам — мыкӀуэдыжынщ Абы и лъагъуныгъэр;

²²израил цӀыхухэу и ӀурыщӀэхэм Ӏыхьэ яхуэзыщӀам — мыкӀуэдыжынщ Абы и лъагъуныгъэр;

²³щхьэкӀуэ къыдах щыхъум дэ зигу дыкъэкӀыжам — мыкӀуэдыжынщ Абы и лъагъуныгъэр;

²⁴ди бийхэм дакъыӀэщӀэзыхам — мыкӀуэдыжынщ Абы и лъагъуныгъэр;

²⁵пкъынэ-лынэу щыӀэр зыгъашхэм — мыкӀуэдыжынщ Абы и лъагъуныгъэр;

²⁶щӀыхь хуэфщӀ уафэхэм я Тхьэм — мыкӀуэдыжынщ Абы и лъагъуныгъэр.