Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 140 Bible Online

Уэрэд 140 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 140

¹Даут и уэрэд Зиусхьэн! Сыноджэ уэ, къыздэӀэпыкъу; щӀэхыу къэс си деж, си тхьэлъэӀу къызэхэх, сыноджэ щыхъукӀэ.

²Жьэрымэ гурыхьым хуэдэу уи пащхьэ ирехьэ си тхьэлъэӀур; си Ӏэр къызэрыпхуэсӀэтыр си пщыхьэщхьэ къурмэн хуэдэ ирехъу.

³Зиусхьэн, си бзэм ӀункӀыбзэ ети, си Ӏупэр быдэу убыд;

⁴ЩӀэпхъаджагъэ зезыхьэ цӀыхухэм сащӀыгъуу бзаджагъэ щӀэным зестыну си гур думыгъэхьэх, абыхэм я ефэ-ешхэшхуэм щыщ Ӏыхьэ къысӀуумыгъахуэ.

⁵Срегъэпшынэж щыпкъагъэ зиӀэ цӀыхум: ар гущӀэгъущ, къыщӀрегъэщ абы си къуаншагъэ; ар си щхьэм къемыгуэуэн дагъэ дэгъуэщ; ауэ си лъэӀухэр абыхэм я бзаджагъэм поув.

⁶Абыхэм я пашэхэр бгы задэм кърадзыхауэ, зэтеджэлауэ зэхэлъщ, ялъагъу си псалъэхэр зэрыщыпкъэр.

⁷ЩӀыгур зэгуаупщӀыкӀыурэ, дызэхагъэщащэм хуэдэщ; ди къупщхьэхэр хьэдрыхэ жьэпкъым жьэдолъалъэ.

⁸Ауэ уи деж, Зиусхьэн, Зиусхьэн, сыноплъэ; щхьэегъэзыпӀэу уи деж сынокӀуэ, утыкум си закъуэу сыкъыумынэ.

⁹Сэр папщӀэ ягъэува лъахъэм сыщыхъумэ, бзаджащӀэхэм я лъэхъум.

¹⁰БзаджащӀэхэр зырызыххэурэ ирехуэж я хъым, сэ сщхьэщыкӀыурэ.