Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 2 Bible Online

Уэрэд 2 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 2

¹Даут и уэрэд Сыт щхьэкӀэ зэрыхьзэрийрэ цӀыху лъэпкъхэр, Ӏуэху пщӀэншэхэр щӀызэрахъэр сыт цӀыху лъэпкъхэм?

²Сыт зыкъызыхуаӀэтыр щӀым щытепщэхэр, зэгуроӀуэ тепщэныгъэ зиӀэхэр, Зиусхьэнми Абы Хихами[1] пэувыжхэу?

³«Зэпыдудынщ абыхэм я пщэхъухэр, я Ӏэхъулъэхъухэм даӀэщӀэкӀынщ».

⁴Ящодыхьэшх уафэм щыпсэур, ящӀонакӀэ абыхэм Зиусхьэныр.

⁵Губжьым хэту, епсэлъэнщ Ар, Абы и губжьышхуэм ахэр игъэшынэнщ, мыр яжриӀэурэ:

⁶«Си Ӏуащхьэ лъапӀэу Ционым[2] тепщэныгъэр щиӀыгъыну си пащтыхьыр тезгъэуващ».

⁷Зиусхьэным иухэсар жысӀэнщ: Абы сэ къызжиӀащ: «Уэращ си Къуэр, Адэ сыпхуэхъуащ нобэ.

⁸Сэ къызэлъэӀуи, цӀыху лъэпкъхэри тыгъэ лъапӀэу, щӀылъэри зэрыщыту уи Ӏэ илъыну уэстынщ;

⁹уи тепщэныгъэ башкӀэ абыхэм уеуэнщ; кхъуэщыным хуэдэу ахэр зэхэпкъутэнщ уэ».

¹⁰Аращи, пащтыхьхэ, акъыл зэвгъэгъуэт; зывгъасэ, щӀым тепщэныгъэ щызиӀэхэ.

¹¹Зиусхьэным фыфӀэлӀыкӀыурэ фыхуэлажьэ, фи гур къилъэту фыгуфӀэ*.

¹²Зиусхьэныр вгъэлъапӀэ[3], Ар къыфхуэмыгубжьын, фызытет гъуэгум фытемыкӀуэдэн папщӀэ; сыту жыпӀэмэ Абы и губжьыр щӀэх къызэщӀэплъэнущ. Гъуэгу махуэ теуващ Абы щхьэегъэзыпӀэкӀэ зыхуэзыгъазэ псори.