Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 20 Bible Online

Уэрэд 20 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 20

¹УэрэдыӀуэхэмрэ пшынауэхэмрэ я пашэм папщӀэ. Даут и уэрэд

²Зиусхьэн! Уэ лъэкӀыныгъэу уиӀэм щогуфӀыкӀ пащтыхьыр, лъэщ дыдэу ирогуфӀэ укъызэрыддэӀэпыкъуам.

³Абы игукӀэ фӀэигъуэр хуэпщӀащ Уэ, и лъэӀу псалъэм къебгъэгъэзакъым.

⁴Сыту жыпӀэмэ уи нэфӀ щыхуащ абы, укъыпегъуэкӀащ, дыщэ къабзэм къыхэщӀыкӀа тажыр къыщхьэрыптӀэгъащ.

⁵ФӀыкӀэ бгъэпсэуну къолъэӀуащ ар — Уэ абы гъащӀэ мыухыж ептащ.

⁶ЩӀыхь ин дыдэ игъуэтащ абы Уэ укъызэрыдэӀэпыкъуам папщӀэ. Лъытэныгъэшхуэ дызепхьащ, пащтыхь ин пщӀащ.

⁷Уи нэфӀ щыхуащ абы игъащӀэкӀэ, ар мэгуфӀэ, Уэ ущӀыгъущи.

⁸Сыту жыпӀэмэ пащтыхьыр щогугъ Зиусхьэным, Псом нэхърэ Нэхъ Лъагэм и лъагъуныгъэ мыкӀуэдыжым и хьэтыркӀэ абы и тахътэр зэтетынщ.

⁹Уэ, пащтыхь, уи Ӏэ къихьэнщ уи бийхэр, уэ уи жагъуэгъу псори уи Ӏэ ижьым ӀэщӀэкӀынкъым.

¹⁰УкъыщылъагъуэкӀэ, мафӀэ жьэгушхуэ зэщӀэплъам хуэдэ пщӀынщ ахэр; Зиусхьэным и губжьым ахэр ӀэщӀэкӀынкъым, мафӀэм хисхьэнщ ахэр.

¹¹Абыхэм къатехъукӀахэр щӀыгум тебгъэкӀуэдыкӀынщ Уэ; я быни я лӀэужьи щымыӀэжыну, яхэбгъэкӀуэдыкӀынщ цӀыхухэм.

¹²Бзаджагъэ къуащӀэн ягу илъащ абыхэм, я зэран къуагъэкӀын я хьисэпащ, ауэ ягъэзэщӀэн ялъэкӀакъым.

¹³Сыту жыпӀэмэ ахэр епхужьэжынщ Уэ, Уи шабзэхэмкӀэ шабзэшэхэр я нэгум ебутӀыпщынщ.

¹⁴ЗыкъэӀэт, Зиусхьэн, гуащӀэу уиӀэр къэгъэлъагъуэ. Уэрэд жытӀэурэ, уи гуащӀэм и щӀыхьыр тӀуэтэнщ.