Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 23 Bible Online

Уэрэд 23 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 23

¹Даут и уэрэд Зиусхьэным и Ӏэ илъщ щӀыгури абы щыӀэ псори; дунеишхуэри абы щыпсэу псори;

²Ар Абы хыхэм ятригъэувэри, псыхэм щигъэбыдащ[14].

³Хэт Зиусхьэным и Ӏуащхьэ[15] дэкӀуеину, хэт Абы и щӀыпӀэ лъапӀэм иувэну хуитыр?

⁴Зи Ӏэхэр къабзэу, зигу хейр, зигу бзаджагъэм хуэзымыгъазэу, тхьэрыӀуэ нэпцӀ зымыщӀыр арщ.

⁵А цӀыхуращ Зиусхьэным и нэфӀ зыщыхуэнур, а цӀыхум и хеягъэр КъегъэлакӀуэ Тхьэм къыхигъэщынщ.

⁶Апхуэдэщ Абы лъыхъухэр, и нэгу зыхуэзыгъазэр Екъуб и Тхьэм.

⁷Фэ, къалэ куэбжэхэ, фыкъызэӀукӀ, фэ, бжэ уахътыншэхэ, зыкъызэӀуфх, щӀыхьышхуэ зиӀэ Пащтыхьыр къихьэн папщӀэ.

⁸Хэт щӀыхьышхуэ зиӀэ пащтыхьыр? Зиусхьэну быдэр, лъэщыр, зауэ гуащӀэшхуэ щызиӀэр арщ.

⁹Фэ, къалэ куэбжэхэ, фыкъызэӀукӀ, фэ, бжэ зэи мыкӀуэдыжхэ, зыкъызэӀуфх, щӀыхьышхуэ зиӀэ Пащтыхьыр къихьэн папщӀэ.

¹⁰Хэт щӀыхьышхуэ зиӀэ Пащтыхьыр? Нэхъ лъэкӀыныгъэшхуэ зиӀэ Зиусхьэныр арщ щӀыхьышхуэ зиӀэ Пащтыхьыр.