Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 78 Bible Online

Уэрэд 78 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 78

¹Асаф и уэрэд Ди Тхьэ! Хамэ лъэпкъхэр уи щӀыгу къихьащ, уи унэшхуэ лъапӀэр яуцӀэпӀри, Ерусалим зэхакъутащ;

²уи ӀурыщӀэхэм я хьэдэхэр — къуалэбзухэм, уи цӀыху лъапӀэхэм япкъхэр — хьэкӀэкхъуэкӀэхэм иратащ, яшхын папщӀэ;

³Ерусалим дэнэкӀи абыхэм лъы щагъэжащ, псым хуэдэу; ахэр щӀэзылъхьэжыни яӀакъым.

⁴Ди гъунэгъухэм ауан дыкъащӀ, къытщодыхьэшх, дызыхэс лъэпкъхэр къытщӀонакӀэ.

⁵Сыт хуэдизрэ, Зиусхьэн, губжьым ухэтыну, фыгъуэныр мафӀэм хуэдэу уигу щыблэну?

⁶Уи губжьыр ятекъутэ Уэ узэхэзымыщӀыкӀ цӀыху лъэпкъхэм, пащтыхьхэу Уэ къомылъэӀухэм,

⁷сыту жыпӀэмэ Екъуб[63] зэхашхыхьри, хэкужь ящӀащ и псэупӀи зэхакъутащ абыхэм.

⁸Ди адэжьхэм бзаджагъэу ящӀахэр дэ къытхуумылъагъу; уи гущӀэгъу псынщӀэу къытлъэгъэӀэс, ди гур кӀуэдащ.

⁹КъыддэӀэпыкъу, дыкъезыгъэлыну ди Тхьэ, уи цӀэм и щӀыхьыр яӀэтэн папщӀэ; хьэзабым дыхэшыжи, уи цӀэр лъэпӀэну, ди гуэныхьхэр къытхуэгъэгъу.

¹⁰Хамэ лъэпкъхэм сыт щӀыжаӀэнур: «Дэнэ щыӀэ абыхэм я Тхьэр?» Хамэ лъэпкъхэм уи ӀурыщӀэу яукӀахэм ялъ ирепшыныж дэ тлъагъуу.

¹¹Хьэпсым исхэм я гыз макъ Уэ уи пащхьэ ирет; укӀ зытралъхьахэр уи гуащӀэ лъэщкӀэ къегъэл.

¹²Ди гъунэгъухэм узэраубар хуэдиблкӀэ егъэпшыныж, Зиусхьэн.

¹³Дэ, уи цӀыху лъэпкъым, уи хъупӀэм ит мэлхэм, уи щӀыхьыр тӀуэтэнщ игъащӀэкӀэ, щӀэблэ-щӀэблэхэм щӀыхь пхуэтщӀынщ.