Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр Уэрэд 80 Bible Online

Уэрэд 80 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

Уэрэд 80

¹УэрэдыӀуэхэмрэ пшынауэхэмрэ я пашэм папщӀэ. Гъитит пшынэдыкъуакъуэкӀэ дежьууэ. Асаф и уэрэд

²Тхьэуэ ди хъумакӀуэм уэрэд хужыфӀэ, фыгуфӀэурэ; Екъуб и Тхьэм макъ лъэщкӀэ щӀыхь хуэфщӀ.

³Къевгъажьэ уэрэдыр, вгъэӀу щэнтӀрыпӀым и макъыр, пшынэдыкъуакъуэу зи макъ гуакӀуэм, шыкӀэпшынэм.

⁴МахуэщӀэ махуэу бжьамийм фепщэ, мазэщӀэми, мазэм щизыгъуэми,

⁵сыту жыпӀэмэ ар ИзраилкӀэ хабзэщ, Екъуб и Тхьэм игъэува хабзэщ.

⁶Абы хабзэ къритащ Исуф, Мысырым къыщикӀыжым — абы ис цӀыхухэм ятекӀуэу. Сэ сымыщӀэ макъ зэхэсхащ:

⁷«Уи плӀэм хьэлъэхэр дэсхыжащ, матэхэр уи Ӏэм ӀэщӀэсхыжри, хуит сщӀыжащ.

⁸Гугъуехь ущыхэтым уэ укъызэджати, укъыхэсшыжащ; щыблэ макъым сыхэту сыбдэӀэпыкъуащ, Мэрибэ[66] псым ущызгъэунэхуащ.

⁹ФыкъызэдаӀуи, си цӀыху лъэпкъ, фызуущиинщ: Израил! Зэ укъызэдэӀуэгъатэмэ!

¹⁰НэгъуэщӀ тхьэ уремыӀэ, хамэтхьэм щхьэщэ хуумыщӀ.

¹¹Сэращ Зиусхьэну, уи Тхьэу, Мысырым укъизышыжар, Уи жьэ къызэтехи, дэз къэсщӀынщ».

¹²Ауэ си цӀыху лъэпкъыр Сэ си макъым къедэӀуакъым, Израилым хуэӀурыщӀэ Сэ зыкъысхуищӀакъым.

¹³Абы папщӀэ я къейгъагъэр абыхэм ягухэм къыхэзнащ, зэрафӀэигъуэу псэунхэу.

¹⁴Си цӀыху лъэпкъыр къызэдаӀуэу, Израилыр си гъуэгум тетыгъатэмэ!

¹⁵Абыхэм я бийхэр псынщӀэу къезгъэувэлӀэнти, абыхэм къапэувхэм си Ӏэ яхуэзгъэзэнт.

¹⁶Сэ, Зиусхьэныр, сызылъагъу мыхъухэр, къызэубзэнт. Апхуэдэ насып игъащӀэкӀи яӀэнти итӀанэ.

¹⁷Гуэдзым и дэгъуэкӀэ фызгъэшхэнти, фоууэ бгым къыхэкӀымкӀэ фызгъашхэурэ арэзы фысщӀынти.