Read Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр ФӀэщхъуныгъэ яӀэу Колоссэ къалэм дэсхэм апостол Паул яхуитха тхылъ 4 Bible Online

ФӀэщхъуныгъэ яӀэу Колоссэ къалэм дэсхэм апостол Паул яхуитха тхылъ 4 - Kabardian New Testament, Genesis, Psalms – ХъыбарыфӀыр. ЩӀэдзапӀэр. Уэрэд ЛъапӀэхэр bible

ФӀэщхъуныгъэ яӀэу Колоссэ къалэм дэсхэм апостол Паул яхуитха тхылъ 4

¹Тепщэхэ, фэри Зиусхьэн уафэм зэрыщывиӀэр фщӀэуэ, фи унэӀутхэм фазэрыхущытын хуейм тету икӀи захуэу фахущыт.

²Тхьэм зэпымыуэ фелъэӀу. Тхьэм фелъэӀу щыхъукӀэ, фымыжейуэ фысакъ, Тхьэм и фӀыщӀи фщӀы.

³Тхьэм дэри фытхуелъэӀу. Мэссихь теухуа Ӏуэху щэхухэр[9] цӀыхухэм едгъэщӀэн папщӀэ, хъыбарыфӀым щхьэкӀэ бжэр къытхузэӀуихыну Тхьэм фелъэӀу. А хъыбарыфӀыр цӀыхухэм зэрезгъащӀэращ лъэхъуэщым сыщӀадзауэ сыщӀыщӀэсыр.

⁴А хъыбарыфӀыр цӀыхухэм зэрахуэсӀуэтэн хуейм тету, нахуэу яхуэсӀуэтэну Тхьэм фысхуелъэӀу.

⁵Игъуэр блэвмыгъэкӀыу, фэ къыфщымыщ цӀыхухэм акъылыфӀагъэкӀэ фахущыт.

⁶Псалъэ мышыухэр хэмыту, фи псалъэхэр ирегуапэ. Хэти жэуап зэрефтын хуейр зэвгъащӀэ.

⁷ФӀыуэ тлъагъу ди къуэш Тихик[10] си хъыбар псори фигъэщӀэнущ. Ар Зиусхьэным и ӀуэхумкӀэ пэжыгъэкӀэ дэ къыддоӀэпыкъу икӀи къыддолажьэ.

⁸Мы Ӏуэху дыдэр арщ, ди Ӏуэхухэр зытетыр фигъэщӀэну, фигъэгушхуэну, Тихик фи деж ныщӀэзгъакӀуэр.[11]

⁹Абы и гъусэу узыщыгугъ хъуну икӀи фӀыуэ тлъагъу ди къуэш Онисим[12] нызогъакӀуэ. Ар фи цӀыхухэм ящыщщ. А тӀум мыбы щекӀуэкӀ Ӏуэху псори фагъэщӀэнущ.

¹⁰Лъэхъуэщым къыздыщӀэс Аристарх[13] фӀэхъус къывехыж. Варнавэ[14] и унэкъуэщ Марки[15] фӀэхъус къывехыж. Марк теухуауэ унафэ фхуэсщӀащ: Фи деж накӀуэмэ, екӀуу евгъэблагъэ.

¹¹ИусткӀэ зэджэ Исус фӀэхъус къывехыж. Тхьэм и Тепщэныгъэшхуэм щхьэкӀэ къыздэлажьэ цӀыхухэм яхэт журтхэр аркъудейщ. Абыхэм ину сагъэгушхуащ.

¹²Епафрасу[16] фи цӀыхухэм ящыщу Хьисэ Мэссихь хуэлажьэм фӀэхъус къывехыж. Ар Тхьэм пэжкӀэ фхуелъэӀу зэпытщ, Тхьэм и гъуэгум быдэу фытригъэтын, сыт и лъэныкъуэкӀи езыр зыхуей Ӏуэху псори зыхуэдэр нэсауэ къывгуригъэӀуэн папщӀэ.

¹³Епафрас куэду фэ къызэрыфхуэлажьэмкӀи, ди къуэшу Лаодикие,[17] Иерапол[18] къалэхэм* дэсхэм куэду зэрахуэлажьэмкӀи сыщыхьэтщ.

¹⁴Дэ фӀыуэ тлъагъу ди дохутыр Лукарэ[19] Димасрэ фӀэхъус къывахыж.

¹⁵Лаодикие къалэм дэс къуэшхэми, Нимфани, абы и унэ щызэхыхьэ члисэ зэхуэсми фӀэхъус схуефхыж.

¹⁶Мы тхылъым феджа нэужь, Лаодикие щыӀэ члисэ зэхуэсым щыщхэри мы тхылъым иреджэ. Фэри Лаодикие щыӀэ члисэ зэхуэсым щыщхэм ныфхурагъэхьыну си тхылъым феджэ.

¹⁷«Зиусхьэным уи пщэм къыдилъхьа Ӏуэхур гъэзащӀэ», жыфӀи, Архипп[20] схужефӀэж.

¹⁸Сэ, Паул, мы фӀэхъус псалъэхэр си ӀэкӀэ сотх. Мы Ӏэхъулъэхъу сызыӀыгъхэр зыщывмыгъэгъупщэ. Мэссихь и нэфӀ къыфщрехуэ. Ӏэмин.