Read Kadazan Dusun ISRA 7 Bible Online

ISRA 7 - Kadazan Dusun bible

ISRA 7

¹Piro-piro noddi o toun do mantad diri, do tontok dit i Artasasta o raja' do pomogunan do Porsia, om haro o songulun o kusai do roitan dot i Isra, i mantad id sinakagon di Harun, i Boyoon dot Agayo dot Imam. Om poingkaa o sinolusukan di Isra do mimpuun dot id dau om gumuli' dot id di Harun, i Boyoon dot Agayo dot Imam diri: i Isra nopo nga' tanak di Asaria, om i Asaria no om tanak di Hilkia, om i Hilkia no om

²tanak di Salum, om i Salum no om tanak di Sadok, om i Sadok no om tanak di Ahitub,

³om i Ahitub no om tanak di Amaria, om i Amaria no om tanak di Asaria, om i Asaria no om tanak di Morayot,

⁴om i Morayot no om tanak di Soraya, om i Soraya no om tanak di Usi, om i Usi no om tanak di Buki,

⁵om i Buki no om tanak di Abisua, om i Abisua no om tanak di Pinihas, om i Pinihas no om tanak di Iliasar, om i Iliasar no om tanak di Harun, i Boyoon dot Agayo dot Imam.

⁶I Isra nopo nga' tulun dit oilo kopio, om it ogumu' ot osuhutan di Tourat, i pinatahak do TUHAN, i Kinorohingan dot Israil dot id di Musa. Om patahako' ngai' nopo di raja' o koinsanai di pinokianu di Isra tu' binarakatan id TUHAN i Isra. Tontok di koturu' nod toun do pomorintaan di Raja' Artasasta om pamanau no i Isra do mantad hilo'd Babil do kuminaa do hilo'd Yorusalim do miwoyo' do piro-piro o tulun dot Israil: i piro-piro ot imam, i tulun do Liwi, i modsisinding, i madtatamong do wawayaan di Walai'd Sasambayangan dot Agayo, om i piro-piro o tulun di maganu-anu mantad.

⁸Om pamanau no iyolo' do mantad hilo'd Babil di tadau do koiso' do tulan di koiso', om nuhupan i' iyolo'd Kinorohingan gisom do nokorikot iyolo' do hilo'd Yorusalim di tadau'd koiso' do tulan do kolimo.

¹⁰Om naayi-ayi' no kopio di Isra o ginawo dau do minsingilo di Tourat do TUHAN do mikuwo'd tonudon dau, om potuduk iyau do koinsanai di ponudukan om oturan diri dot id tulun dot Israil.

¹¹Iti no o surat do tinahak di Raja' Artasasta dot id di Isra, it Imam om it oilo kopio do koinsanai dit Tourat.

¹²“[12] Mantad id di Raja' Artasasta, om kumaa dot id di Isra, it Imam om it oilo kopio do Tourat do Kinorohingan do surga.[13]

¹³Poboroson ku do potumboyo' oku i' dot isai nopo o tulun dot Israil, dit orohian do gumuli' om koinsanai dit imam, om i tulun do Liwi, do pointongkop diti pomogunan do porintaon ku do moyo' diya' do gumuli' do hilo'd Yorusalim.

¹⁴Iyoho' no, om i turu' o gomponosihat ku o monuhu' diya' do mongoi pogontong kopio ondung poingkuro-kuro no o hilo'd Yorusalim om hilo'd Yohuda. Antangan no kopio ondung natanud i Tourat do Kinorohingan di pinaharapan diya'.

¹⁵Om igitan nogi' iti tamas om pirok, i maan dahai di piro-piro ponosihat ku do porsombahan dot id Kinorohingan dot Israil, i Kinorohingan di poundorong do hilo'd Yorusalim.

¹⁶Om igitan nogi' o koinsanai di pirok om tamas di notimung nu do mantad id pointongkop do watas do Babil om koinsanai di pinatahak di tulun dot Israil om i piro-piro ot imam dot id Walai'd TUHAN, i Kinorohingan diyolo' di hilo'd Yorusalim.

¹⁷Om sonong-sonongon no o pamamakai di tusin do pomoli do sapi' do tontoluhan, om kambing do tontoluhan, om tanak do dumba', om gandum om waig dot anggur. Om patahakon ngai' nori dot id sakai di pananaraban do porsombahan di hiri'd Walai'd Sasambayangan dot Agayo do hilo'd Yorusalim.

¹⁸Om iri no it oolu' di pirok om tamas, om pakayon nopo dokoyu do tumanud do korohian nu om korohian ngai' di tambalut nu do miontok do korohian do Kinorohingan nu.

¹⁹Patahakon no dot id Kinorohingan o koinsanai di koburu-buruon di nakatahak dot id diya' do maan do pakayon do tontok do sumambayang do hiri'd Walai'd Sasambayangan dot Agayo.

²⁰Om nunu nopo o koburu-buruon do suwai dit apatut do haro do hiri'd Walai'd Sasambayangan dot Agayo, di bolion, om bayaran nopo do mantad id kousinan di dong pomorinta'.

²¹Om nokoponuhu' oku no, iyoho', i Raja' Artasasta, do koinsanai di poopi' di tusin di dong pomorinta' dit id watas dot Iprat di ponong id Kotonobon dot olomus do papatahak do nunu nopo i pokionuon di Isra it Imam, it oilo kopio do Tourat do Kinorohingan do surga,

²²do gisom do 3,400 o kilogram do pirok, om 10,000 o kilogram do gandum, om 2,000 o lito do waig dot anggur, om 2,000 o lito do tumau do saitun om songkuro nopo o kogumuo' do silaon di pokionuon.

²³Om posodiawon no kopio o koinsanai di pokionuon do Kinorohingan do surga do maan di Walai'd Sasambayangan dot Agayo, om a' i' iyau otogod doho' om a' otogod di raja' di sumusuhut doho' do momorinta'.

²⁴Om a' ngai' koino-ino do pokionuan do sukai it imam, om i tulun do Liwi, om i modsisinding, om i madtatamong do wawayaan om i tulun di maganu-anu, om isai nopo i kapaganu-anu do hiri'd Walai'd Sasambayangan dot Agayo.

²⁵Om iya' no, oi Isra, o momili' do piro-piro o boyoon om gompomutus do momorinta' do koinsanai di tulun do poingiyon dot id watas dot Iprat di ponong id Kotonobon, dot i tulun di tumanud di Tourat do Kinorohingan nu, do mikuwo di toilaan do nakatahak do Kinorohingan dot id diya'. Om potudukon no i Tourat diri dot id isai nopo o tulun dit a' po nokoilo'ddi.

²⁶Om pointikid-tikid do tulun dit a' mumboyo' dit Oturan do Kinorohingan nu, ko' it oturan do pomorinta', om lomusan no do momohukum do kapatayon, ko' uyungon ko' ahawan do dapu' ko' giilon,” ka.

²⁷Om boros kaddi di Isra, “Royohon no o TUHAN, i Kinorohingan di tinuku' di taki-aki toko'! Tu' tiningkau dau o ginawo di raja' gisom do minomusou kopio iyau di Walai'd TUHAN di hilo'd Yorusalim.

²⁸Om nasanangan iddi doho' i raja', om i piro-piro o gomponosihat dau om koinsanai di pagawai di raja' dot ongkipangkat tu' nuhupan oku id TUHAN. Om pinokoris oku'd TUHAN, i Kinorohingan ku, gisom do nakaangat oku iddi dot ogumu' o boyoon do pinuruan do tulun dot Israil do gumuli' do hilo'd Yorusalim,” ka dau.