Read Kadazan Dusun ISRA 8 Bible Online

ISRA 8 - Kadazan Dusun bible

ISRA 8

¹Iti no dopitar do ngaran di piro-piro boyoon do pinuruan do sompiiyon di natanggayan do pisangod do hilo'd Babil, i guminuli' do hilo'd Yorusalim do minoyo' doho' do tontok dit i Raja' Artasasta o momorinta':

²i Girsom, i mantad id pinuruan do sompiiyon di Pinihas, i Daniol, i mantad id pinuruan do sompiiyon di Itamar, i Hatus, i tanak di Sokania, i mantad id pinuruan do sompiiyon di Daud, i Sakaria, i mantad id pinuruan do sompiiyon di Paros, do miwoyo' do hatus om limo nohopod o tongokusai do mantad id pinuruan do sompiiyon dau (haro i' o nongkotulis do hiri'd potutulisan do pasal di sinolusukan diyolo') i Ilyuinai, i tanak di Siraya, i mantad id pinuruan do sompiiyon di Pahat Muab, om miwoyo' do duwo nahatus o tongokusai, i Sokania i tanak di Yahasiol, i mantad id pinuruan do sompiiyon di Satu,[14] do miwoyo' do tolu nahatus o tongokusai, i Ibid i tanak di Yonatan, i mantad id pinuruan do sompiiyon di Adin, do miwoyo' do limo nohopod o tongokusai, i Yosaya i tanak di Atalia, i mantad id pinuruan do sompiiyon di Ilam, do miwoyo' do turu' nohopod o tongokusai, i Sobaya i tanak di Mikail, i mantad id pinuruan do sompiiyon di Sopasa, do miwoyo' d(...)

¹⁵Om timungo' ngai' ku no i tongoulun diri do hilo'd tisan di bawang di lumuyung do hilo'd bandar dot Ahawa. Om hilo' no iyahai do minomukiim do solinaid do tolu o tadau. Nga' soira' di pininguhot ku iyolo' om koilaai ku no do haro i' o piro-piro ot imam dot id pogialatan diyolo', nga' aiso' i' o tulun do Liwi.

¹⁶Om lohowo' ku noddi o siam di boyoon: i Iliosor, i Ariol, i Somaya, i Ilnatan, i Yarib, i Ilnatan, i Natan, i Sakaria, i Mosulam, om duwo o tulun do monunuduk, i Yoyarib om i Ilnatan.

¹⁷Om suhuo' ku noddi iyolo' do mongoi solowot di Ido, i boyoon do tulun do hilo'd Kasipia. Om sinuhu' ku iyolo' do momisunud di Ido om i piro-piro o tambalut dau, do porikot dot id dahai do piro-piro o tulun di maganu-anu do hiri'd Walai'd Sasambayangan dot Agayo.

¹⁸Om porikoto' no diyolo' dot id dahai i Sorobia, i tulun do Liwi dit oilo kopio, i mantad id pinuruan do sompiiyon di Mali, tu' opuhawang i' o Kinorohingan dot id dahai. Om minoyo' nogi' di Sorobia i tangaanak dau om i piro-piro o tobpinai dau do hopod om walu'[16] o tulun do toinsanan.

¹⁹Om i Hasabia om i Yosaya, i mantad id pinuruan do sompiiyon di Morari, do miwoyo' do 20 di koobpinayan diyolo' nga' pinorikot nogi' diyolo' dot id dahai.

²⁰Om suwai no ko' iri, om 220 o tulun do maganu-anu do hiri'd Walai'd Sasambayangan dot Agayo do nokoruhang om nokotulis o ngaran. Iri nopo taki-aki diyolo' di gulu po nga' nopili' di Raja' Daud om i piro-piro o pagawai dau do monguhup di tulun do Liwi.

²¹Om pangangat oku noddi do toinsanan di tulun do puasa do hiri'd Bawang dot Ahawa, om mikuwo'd minsiriba' dot id Kinorohingan dahai. Om suminambayang iyahai do mokiwoyo'd Kinorohingan dot id tindalanon, om mokiintirung iyahai dau om pokiintirungan dahai i tangaanak dahai om i dahai'd songonuon.

²²Tu' ointingayaman oku do mokianu di raja' do soudor dit ongkikuda' do mongintirung dahai do mantad id pisangod do hiri'd tanga'd ralan, tu' nokoboros ku no dot id raja' o poingkaa, “Intirungan i' do Kinorohingan dahai o koinsanai'd tulun di mogondos dau, nga' pointikid-tikid di tulun dot a' otorodok dot id dau om karaatan no dau om hukuman po dau,” kangku.

²³Om puasa [17] diri iyahai om sambayang no iyahai dot id Kinorohingan do mokigompi' dau, om sinimbar i' dau i sambayang dahai.

²⁴Om pomili' oku nod hopod om duwo o boyoon dot imam dot id pogialatan di piro-piro o boyoon dot imam. Iyolo' nopo om i Sorobia, om i Hasabia om hopod o tulun do suwai.

²⁵Om timbango' ku noddi diyolo' i pirok, om i tamas, om koinsanai di koburu-buruon do suwai di pinatahak di raja', om i piro-piro o ponosihat dau, om i piro-piro o pagawai dau, om koinsanai di tulun dot Israil do maan do pakayon do hiri'd Walai'd Sasambayangan dot Agayo. Om patahako' ngai' ku nopori dot id piro-piro ot imam diri.

²⁶Iti no i pinatahak diyolo': Pirok --- 22 tan 100 o pakakas do pirok --- 70 kilogram tamas --- 3,400 kilogram 20 o mangkuk do tamas --- 8.4 kilogram 2 mangkuk do tambaga' dit osonong kopio, it irad i' do gatang do mangkuk do tamas.

²⁸Om boros kangku dot id piro-piro ot imam diri, “Iyokoyu nopondo om nokotobilang no do don TUHAN, i Kinorohingan di tinuku' di taki-aki toko', om iti nogi' koburu-buruon di pirok om tamas do winonsoi di pinatahak dot id TUHAN nga' nokotobilang nogi' do maan do don TUHAN.

²⁹Om gompion no kopio dokoyu iti koburu-buruon diti do gisom do korikot kou do hilo'd Walai'd Sasambayangan dot Agayo. Om korikot kou nopondo'd hilo' om timbangon ngai' noti, om patahakon nogindo dot id piro-piro o boyoon dot imam om id piro-piro o boyoon do tulun do Liwi, om patahakon dot id piro-piro o boyoon do tulun dot Israil di hilo'd Yorusalim,” kangku.

³⁰Om romito' noddi di piro-piro ot imam om i tulun do Liwi i pirok om i tamas om i koburu-buruon diri om igitai no diyolo' do kuminaa do hilo'd Walai'd Sasambayangan dot Agayo di hilo'd Yorusalim.

³¹Om pamanau noddi iyahai do mantad hilo'd Bawang dot Ahawa do kumaa do hilo'd Yorusalim do tontok di tadau'd kohopod om duwo do tulan di koiso'. Om nintirungan i' iyahai'd Kinorohingan do hiri'd tindalanon, do mantad id pisangod di manangod om mangantob.

³²Om soira' di nokorikot iyahai'd hilo'd Yorusalim om undorong poddi iyahai do solinaid do tolu o tadau.

³³Om tadau poddi do kaapat om ongoi nogi' iyahai do hiri'd Walai'd Sasambayangan dot Agayo om timbango' no dahai i pirok om i tamas, om i koburu-buruon do suwai. Om patahako' nogiddi dahai iri dot id di Mirimot it Imam, i tanak di Uria, om poingontong nogi' i Iliasar, i tanak di Pinihas, om duwo o tulun do Liwi, i Yosabad, i tanak di Yosua, om i Noadia, i tanak di Binui.

³⁴Om timbango' ngai' nopo i koburu-buruon diri om pinotulis ngai'.

³⁵Om tontok no do tadau'ddi dot oinsanan nopo i tulun di nokoguli' do mantad id pomogunan di pinananggayan do pisangod do pinapatahak do porsombahan di sorobon dot id Kinorohingan dot Israil. Om papatahak no iyolo' do hopod om duwo tinan do sapi' di tontoluhan do maan do toinsanan di tulun dot Israil, om siam nohopod om onom o tinan do kambing do tontoluhan om turu' nohopod om turu' o tanak do dumba' om suwai no ko' iri om pinapatahak po iyolo' do hopod om duwo o tinan do kambing do maan do pangampun do diyolo'd dusa. Om sorobo' ngai' nopo i tayam-tayam diri do numaan do porsombahan di sumbolion dot id TUHAN.

³⁶Om onuo' nogi' diyolo' i surat do mantad id porinta' di pinatahak di raja' dot id diyolo' om patahako' no diyolo' dot id piro-piro o gobunor om id piro-piro o pagawai do watas dot Iprat di ponong id Kotonobon. Om panahak ngai' nopo iyolo' do maan do ponulung di bansa'ddi om milo i' kasai' iyolo' do sumambayang dot id Walai'd Sasambayangan dot Agayo.