Read Kadazan Dusun NOHOMIA 10 Bible Online

NOHOMIA 10 - Kadazan Dusun bible

NOHOMIA 10

¹Id gulu nopo do suminain om i Gobunor Nohomia i tanak di Hakalia, om i Sodokia nogiddi. Om iti ngai' tulun diti nga' suminain nogi':

²Piro-Piro ot Imam: i Soraya, i Asaria, i Yoromia, i Pasur, i Amaria, i Malkia, i Hatus, i Sobania, i Maluk, i Harim, i Mirimot, i Obaya, i Daniol, i Giniton, i Baruk, i Mosulam, i Abia, i Miyamin, i Maasiya, i Bilgai om i Somaya

⁹I Piro-piro o Tulun do Liwi: I Yosua, i tanak di Asania, i Binui, i sinakagon do pinuruan do sompiiyon di Hinadad, i Kadmiol, i Sobania, i Hodia, i Kolita, i Polaya, i Hanan, i Mika, i Rihob, i Hasabia, i Sakur, i Sorobia, i Sobania, i Hodia, i Bani om i Boninu.

¹⁴Piro-Piro o Boyoon do Bansa': i Paros, i Pahat-Muab, i Ilam, i Satu, i Bani, i Buni, i Asgad, i Bobai, i Adonia, i Bigwai, i Adin, i Atir, i Hiskia, i Asur, i Hodia, i Hasum, i Bosai, i Harip, i Anatot, i Nibai, i Magpias, i Mosulam, i Hosir, i Misisabiil, i Sadok, i Yodua, i Pilisa, i Hanan, i Anaya, i Hosia, i Hanania, i Hasub, i Halohis, i Pilha, i Sobik, i Rohum, i Hasabna, i Maasiya, i Ahia, i Hanan, i Anan, i Maluk, i Harim om i Baana.

²⁸Iyahai, i tulun dot Israil om i piro-piro ot imam om i tulun do Liwi, om i tulun di madtatamong do wawayaan di Walai'd Sasambayangan dot Agayo, om koinsanai di tulun di pouni do tuunion om i maganu-anu do hiri'd Walai'd Sasambayangan dot Agayo, om iri nogi' i sawo om i tangaanak dahai di milo nod mokinongou, om i tulun di minumboyo' dot Oturan do Kinorohingan, om i nokotongkiad do mantad id tulun di poingiyon do hiti'd pomogunan dahai.

²⁹Oinsanan nopo iyahai di boyoon dahai do sumumpa', do tumanud dit Oturan do Kinorohingan, i pinatahak dau do pinolombus di Musa, i susuhuon dau. Om usungon nopo iyahai'd Kinorohingan dot a' no dahai sulungon iti batos dahai'dti. Suminumpa' no iyahai do tumanud do koinsanai di pinonuhuan dit oturan om i ponudukan do TUHAN, i Kinorohingan dahai.

³⁰Sumumpa' no iyahai dot a' manansawo do bansa'd suwai di poingiyon do hiti'd pomogunan dahai.

³¹Ondung mongoi daa i tulun do bansa'd suwai padagang do gandum ko' nunu nopo o padagang-dagangon diyolo'd suwai dot id dahai do tontok do tadau'd Sabat ko' tontok do tadau dot olidang do suwai, om a' no iyahai momoli'ddi. Pointikid-tikid do koturu'd toun om a' no dahai umoon i tana' om a' iyahai mokibayar do tutang.

³²Pointikid-tikid do toun om manahak ngai' iyahai do sorolimaan o gram do pirok do ponulung do pambayar dit apakai do hiri'd Walai'd Sasambayangan dot Agayo.

³³Om manahak iyahai diti pakayon do sumambayang do hiri'd Walai'd Sasambayangan dot Agayo: i roti dit olidang, i porsombahan, i porsombahan do gandum do pointikid do tadau, i tayam-tayam do maan do porsombahan do sorobon do pointikid do tadau, i porsombahan dot olidang do suwai, om i porsombahan di pangampun do dusa'd tulun dot Israil, om nunu nopo i koburu-buruon do hilo'd Walai'd Sasambayangan dot Agayo.

³⁴Iyahai no i rayat om it imam, om i tulun do Liwi, o mongundi' do pointikid-tikid do toun do mongilo ondung disai do pinuruan do sompiiyon dit apatut do manahak do siduwon do maan do pogudung di porsombahan di sumbolion di patahakon dot id TUHAN, i Kinorohingan dahai do tumanud di pinonuhuan dot id Tourat.

³⁵Pointikid-tikid do toun om igitan dahai do hilo'd Walai'd Sasambayangan dot Agayo i gandum dit id gulu dahai koomot om i tua' dit id gulu koonsok di kouwaan dahai.

³⁶Iri nopo tanak dahai'd kusai dit id gulu kosusu om pootodon dahai do hiri'd piro-piro ot imam do hilo'd Walai'd Sasambayangan dot Agayo do patahakon dahai dot id Kinorohingan, do tumanud di ponuhuan dot id Tourat. Om patahakon nogi' dahai i tanak do sapi', om i tanak do dumba' om i tanak do kambing dit id gulu kosusu.

³⁷Om patahakon dahai dot id piro-piro ot imam di hilo'd Walai'd Sasambayangan dot Agayo i tapung do gandum dit id gulu omoto' do pointikid-tikid do toun, om igitan ngai' nogi' dahai i porsombahan dahai'd suwai, dot i waig dot anggur, om tumau do saitun om piro-piro o bansa'd tua-ua'. Om igitan dahai i porsombahan di sompihopod do mantad id hasil di tumo dahai, dot id tulun do Liwi di monimung do porsombahan do sompihopod do hiri'd piro-piro o bandar di momutanom-tanom.

³⁸Iri nopo i piro-piro ot imam do sinakagon di Harun om apatut no do moyo' di tulun do Liwi do tontok di monimung iyolo' di porsombahan do sompihopod, om mositi' no do poopion di tulun do Liwi do hiri'd bilik di poopian do hilo'd Walai'd Sasambayangan dot Agayo o sompihopod do koinsanai di porsombahan do sompihopod dit otimung diyolo'.

³⁹Om mositi' no do migit i rayat dot Israil om i tulun do Liwi do gandum, om waig dot anggur, om tumau do saitun do maan do popuhawangon di tahakon kasai', do hiri'd bilik di poopian do taakanon om i koburu-buruon do hiri'd Walai'd Sasambayangan dot Agayo. Om hiri nogi' ot iyonon di piro-piro ot imam di maso'd kumaraja', om i madtatamong di wawayaan di Walai'd Sasambayangan dot Agayo, om i modsisinding. Om a' i' dahai kada-kadaan do momogompi' i Walai'd TUHAN dahai.