Read Kadazan Dusun AYUB 23 Bible Online

AYUB 23 - Kadazan Dusun bible

AYUB 23

¹A' oku no milo dot a' sumaap om a' moguhang do Kinorohingan, a' oku no milo do tumingkod do mingodoi.

³Ondung koilo oku daa do tiyonon dau, om koongoi oku i' daa kosolowot dau.

⁴Oiyo-iyon ku nopo daa do monusui iti kowoyo-woyoon ku dot id toguang do Kinorohingan, om poboroson ku i kosongkiwalan ku do pongobi' ku doho'.

⁵Orohian oku daa do koilo ondung poingkuro o poboroson dau doho', om poingkukuro ot isimbar dau.

⁶Orohian tuu o Kinorohingan do mangayi-ayi' do kinoris dau do sumaap doho'? Amu', iyau nopo om atantu' no do mokinongou i' do poboroson ku.

⁷Iyoho' nopo om otulid i', om koilo oku i' do monokisimbar-simbar do Kinorohingan, om poboroson oku indo dau dot a' nakasala',[40] om a' no osimbanan iri.

⁸Nokopogihum oku nod Kinorohingan do hilo'd koulayon om hilo'd kotonobon, om hilo'd salatan, om hilo'd utara, nga' a' i' hino o Kinorohingan do hilo', om a' oku i' nokosolowot dau.

¹⁰Nga' oilaan id Kinorohingan ot ongoyon ku; ondung umbalan oku dau do miagal do tamas om oilaan i' dau dot olidang oku.

¹¹Otorodok oku i' do mumboyo' dau, om a' oku i' koumbal do sumala' do sumusui do ralan di pinotuduk dau.

¹²Tonudon kasai' ku i' i tisuhu' do Kinorohingan doho', tumanud oku i' do korohian dau, om okon i' ko' i korohian ku o tonudon ku.

¹³Kinorohingan nopo om a' i' insan do sumimban, om aiso' i' o kasaap dau. Wonsoyon nopo dau i korohian dau.

¹⁴Wonsoyon i' kopio dau i nosorou mantad dau do wonsoyon dot id doho'; om ogumu' po o suwai ko' iri dot osorou dau do wonsoyon dau.

¹⁵Om gagaran oku poddi do moddosi dau.

¹⁶It Osundu Kopio o minananus di kosioho' ku. Kinorohingan o poddosi ku, om okon i' ko' i totuong o monompurolosi doho', mulong piya dot id suang oku'd totuong, om nobolou oku di totuong.