Read Kadazan Dusun YOSAYA 12 Bible Online

YOSAYA 12 - Kadazan Dusun bible

YOSAYA 12

¹Om orikot nondo o maso do modsinding ngai' o tulun do poingkaa, “Mongunsikou oku diya', oi TUHAN, tu' monginsasamod ko doho'. Tu' mulong pod notogod ko doho' di gulu, nga' natanus noddi o kototogod nu.

²Gampamasi ku nopo om Kinorohingan, om iyau no o pagandasan ku. Aiso' no o korolosi doho', tu' iyau no o manahak doho' do kokorisan. Gampamasi ku nopo om Kinorohingan, iyau no o kopodsindingan ku.

³Poingkuro nopo i waig dot osogit, do kourudtuu di tulun dot ohuyan, om iyo noddi o kototood do tulun di nasanganu do Kinorohingan, do tontok di posion dau iyolo',” ka.

⁴Om orikot indo o maso do modsinding ngai' o tulun do poingkaa, “Pongunsikou nod TUHAN, om lohou nod ngaran dau do mokiuhup. Posusuyo' no i nongowonsoi dau om i kobontugo' dau, dot id koinsanai'd bansa'.

⁵Podsinding no dot id TUHAN, tu' momonsoi i' iyau dot ogumu' o koimayaan. Pologoson no do korongou do koinsanai di winonsoi dau o pointongkop diti pomogunan.

⁶Suhuon ngai' no i tulun di songingiyon do hilo'd Sion, do mamangkis om modsinding dot atataadan. Tu' kikagayaan i' kopio o Kinorohingan dot Israil dit olidang, om poundorong iyau dot id pogialatan di bansa' di songonuon dau,” ka.