Read Kahua HAGONEGAHANI 11 Bible Online

HAGONEGAHANI 11 - Kahua bible

HAGONEGAHANI 11

¹Hagenago na enoni i maveta hagenani ka nahunia na tamasinga gi tage ma, ma ka tamasi igê na tamasinga gi tage ma.

²Matena ga suga tanga i kerekê, ngaira ka ata igê na bena i Babilonia ma ka oga igê.

³Ngaira ka heaganari, ka vi: “Nika, ge tagarahigi na hê renigi na mako ma ka hanugi ki gatagata. “Vikê ngaira ki tonga na hê tangara, hanana viga tagarahia na ruma ma na marâ tanga i purupuru haku renigi.

⁴Ngaira ka vi: “Hoi, ge tagarahia na hinua raha henia ta na ruma i akê teha ngavê ki tariha i vavearo, hanana i rongo raha na ataka. I ngekana igia ki asa vige totoko suria na maveta hagenani.”

⁵Ma hemuri na Araha ki soso me ki rigia na hinua raha henia na ruma i akê teha ngavê na enoni ka tagarahia.

⁶Ngaia ki tako, ki vi: “Bâ, na tarana ga katoa ki kahu haganega, ma hemuri ngaira ka page girara ga katogi na ani mavê na marâ ga obanigi. Ngaira ka voravora mênga na enoni haku ma na tamasinga iata ki gi tage togo ma.

⁷Nika, ge râ ma ke katogi na tamasinga iata ke tora hegitigi, hanana siana ngaira ka giraragiheri na tamasinga iata.”

⁸Ngekana na Araha ki tokorenira suria na maveta hagenani, ma ngaira ka rumakaka vê renia na hinua raha.

⁹Na atana na hinua raha ngekana kani i Babele, suria i ngekana na Araha ki katogi igê na tamasinga iata na enoni hato ka tora hegitigi, ma tenia i ngekana ngaia ki tokorenira na enoni hato suria na maveta hagenani.

¹⁰Ikê na raraha iana o Semi. Na harisi gi rua i murina na maganuha raha, matena o Semi ki tonga na harisi 100 iana, ngaia ki apara na kare mane o Arapakasata.

¹¹I murina ngekana ngaia ki oga nikâ surigi na harisi 500 ma ki aparara nikâ tani na kare.

¹²Matena o Arapakasata tonga na harisi 35 iana, ngaia ki apara o Selaga.

¹³I murina ngekana ngaia ki oga nikâ surigi na harisi 403 ma ki aparara nikâ tani na kare.

¹⁴Matena o Selaga ki tonga na harisi 30 iana, ngaia ki apara o Ebere.

¹⁵I murina ngekana ngaia ki oga nikâ surigi na harisi 403 ma ki aparara nikâ tani na kare.

¹⁶Matena o Ebere ki tonga na harisi 34 iana, ngaia ki apara o Pelege.

¹⁷I murina ngekana ngaia ki oga nikâ surigi na harisi 430 ma ki aparara nikâ tani na kare.

¹⁸Matena o Pelege ki tonga na harisi 30 iana, ngaia ki apara o Reu.

¹⁹I murina ngekana ngaia ki oga nikâ surigi na harisi 209 ma ki aparara nikâ tani na kare.

²⁰Matena o Reu ki tonga na harisi 32 iana, ngaia ki apara o Serugu.

²¹I murina ngekana ngaia ki oga nikâ surigi na harisi 207 ma ki aparara nikâ tani na kare.

²²Matena o Serugu ki tonga na harisi 30 iana, ngaia ki apara o Nagore.

²³I murina ngekana ngaia ki oga nikâ surigi na harisi 200 ma ki aparara nikâ tani na kare.

²⁴Matena o Nagore ki tonga na harisi 29 iana, ngaia ki apara o Teraga.

²⁵I murina ngekana ngaia ki oga nikâ surigi na harisi 119 ma ki aparara nikâ tani na kare.

²⁶Matena o Teraga ki tonga na harisi 70 iana, ngaia ki aparara o Abaramo mo Nagore mo Harane.

²⁷Ikê na raraha iana o Teraga, i aparara o Abaramo mo Nagore mo Harane. O Harane ki apara o Loti.

²⁸O Harane ki me i pasina i Uru i Babilonia, matena i tahitahi menga o vaemana.

²⁹O Abaramo ki êragia ka Sarai. O Nagore ki êragia ka Milika ka karena o Harane, i apara nikâ ka Isika.

³⁰Ka Sarai ki pe apara kare, suria i gomara.

³¹O Teraga ki merarâ o Abaramo o karena mo Loti o vesina o karena o Harane ma ka Sarai ka hungâna kaniana o Abaramo, ma ki mera aharaga tenia na hinua raha i Uru i Babilonia, ma ka râ tanga i Kanani. Matena ga tariha i hinua i Harane, ngaira ka oga igê.

³²O Teraga ki me i ngekana, matena i tonga na harisi 205 iana.