Read Kahua HAGONEGAHANI 36 Bible Online

HAGONEGAHANI 36 - Kahua bible

HAGONEGAHANI 36

¹Na raraha iana o Esau, ga hêtana nikâ vi o Etome, ngaira kani igê.

²O Esau ki êragira na gete gi oru ni Kanani: ka Ata ka karena o Eloni na Hitita, ka Oholibama ka karena o Ana o karena o Sibone na Gavita,

³ka Basemata ka karena o Isimaele ma kesina o Nebaiote.

⁴Ka Ata ki apara o Elipasi. Ka Basemata ki apara o Reuele.

⁵Ka Oholibama ki aparara o Jeusi, o Jalama mo Koraga. O Esau ki aparara o karena hato ngegê i Kanani.

⁶Hemuri o Esau ki merarâ na gete iana henira o karena, ka karena ma na me hato i ruma iana, henira na ara ni togoha hato iana ma na nahuninga hato iana, i hagavarahagi i Kanani, ma ki hura pania o Jakobo o vesina tanga na agua getea.

⁷Ngaia ki aharaga pania, suria na mako garu oga igê o Jakobo ma ngaia ki pe ararirerua. Ngairerua karu nahunigi rako teha ngavê na togoha. Tahema ki bara, vigaru oga haku igê.

⁸Vikê o Esau ki râ ma ki oga igê na hungani i Etome.

⁹Na raraha iana o Esau na êvarita na Etomita, ngaira kani igê.

¹⁰O Esau ma ka Ata kaniana karu apara na kare mane gi tage o Elipasi. O Elipasi ki aparara o karena gi rima: o Temane, o Omare, o Sepo, o Gatama mo Kenase. O Elipasi henia ka Timina ta na gete iana karu apara ta na kare mane nikâ o Amaleki. O Esau ma ka Basemata kaniana karu apara na kare mane gi tage o Reuele. O Reuele ki aparara o karena ge he: O Nagata, o Seraga, o Sama ma o Misa.

¹⁴O Esau ma ka Oholibama ta na kaniana ka karena o Ana o karena o Sibone, karu aparara na kare mane gi oru: o Jeusi, o Jalama mo Koraga.

¹⁵Na bêni na varo ninuni iana o Esau ngaira kani igê. O Elipasi na bêbê ni kare iana o Esau ngaia ka na êvarita na bêni varo ninuni igê: o Tamane, o Omare, o Sepo, o Kenase,

¹⁶o Kora, o Gamata mo Ameleki. Ngaira ngegana ka na raraha iana ka Ata kaniana o Esau.

¹⁷O Reuele o karena o Esau ki na êvarita na bêni na varo ninuni igê: o Nagata, o Seraga, o Sama mo Misa. Ngaira ngegana ka na raraha iana ka Basemate kaniana o Esau.

¹⁸Na bêni na varo ninuni iaterua o Esau ma ka Oholibama kaniana, ka karena o Ana, kani igê: o Jeusi, o Jolama mo Koraga.

¹⁹Ngaira hato na bêni na varo ninuni ngegana ka na raraha iana o Esau.

²⁰Na enoni ga bani oga me i Etome, ngaira ka voasira so mareta surigi na varo ninuni. Na êvarita na varo ninuni ngegê ka na raraha iana o Seiri na Gorita: o Lotane, o Sobale, o Sibone, o Ana, o Tisone, o Esere mo Tisane.

²²O Lotane ki na êvarita na raraha iaterua o Gori ma o Hemane. Kesina o Lotane kani ka Timina.

²³O Sobale ka na êvarita na raraha iata o Alavane, o Managata, o Ebale, o Sepo mo Onama.

²⁴O Sibone ki apararerua o karena gi rua: o Aia ma o Ana. O Ana ngekê kani tarahugi na vebanga mahana igê na masusu, matena i bâsurira na tonki iana o vaemana.

²⁵O Ana ki apara o Tisone. O Tisone ki aparara: o Gemetane, o Esebane, o Itirane mo Kerane. O Ana ki apara nikâ ka Oholibama.

²⁷O Esere ki aparara o Bilihane, o Savana mo Akane.

²⁸O Tisane ki apararerua: o Usu mo Arane.

²⁹Na bêni na varo ninuni iata na Horita i Etome ngaira kani igê: o Lotone, o Sobale, o Sibone, o Ana, o Tisone, o Esere mo Tisane.

³¹Matena ga mamênga me na maneraha i Isiraele, na maneraha igê kaniga bani heheuri ka marungia me i Etome: O Bela, o karena o Beore ni Tinihaba O Jobaba o karena o Seraga ni Bosera O Gusame ni Temane O Hatata o karena o Betata ni Avite. Ngaia ki teharira na Mitianita igê na hearihatana i Moaba. O Samala ni Masereka, O Saulu ni Regobote igê na ve O Balagana o karena o Akabore O Hatare ni Pau. Kaniana kani ka Mehetabele ka karena o Materete ma o virana ka no Mesahaba.

⁴⁰O Esau ka na êvarita na bêni na varo ninuni iata na Etomita. Ngaira kani igê: o Timina, o Alava, o Jetete, o Oholibama, o Ela, o Pinone, o Kenasi, o Temana, o Mibisare, o Magatiele mo Irama. Na agua ga oga igê na varo ninuni ngegê ka hetani renigi na atani na varo ninuni iata.