Read Kahua 2 SAMUELE 4 Bible Online

2 SAMUELE 4 - Kahua bible

2 SAMUELE 4

¹Matena o Isiboseti o karena o Saulo ki rongo, vi o Abenere ka bani nahuia ki me i Heberone, ngaia ki magu ma na enoni hato i Isiraele ka bubununuga.

²O Isiboseti ki nahunirerua na mane gi rua, garu bêngenira na mane ni me tanga ga rurugu surigi na hinua. Ngairerua ka no Bana mo Rekaba. Ngairerua ka no karena o Rimone ni Berote igê na apanena iana o Benamino. I Berote ka naka ma me henia na apanena iana o Benamino.

³Na enoni ga ogasia hagenago ka bani gava tanga i Gitaimi, ma i ngekê ngaira ka gâga mêngara i ngekana.

⁴Tani o vesina o Saulo ki gâga mênga. Ngaia ka no Mepiboseti karena o Jonatane. Ngaia ki tonga na harisi gi rima iana, matena o Saulo mo Jonatane karu me. Matena i râ me na rongoha tenia i Jeserele vi ngairerua karu me, na gete i marupea, ki topea ma ki megava. Suria i tavoraha susu, ngaia ki hagavotaria, ma na kere mane ki tavi.

⁵O Rekaba mo Bana karu râ tanga na ruma iana o Isiboseti, ma karu ata râ igê na ritovagana. O Isiboseti ki mêru igê na matena ngekana manga bani hanana.

⁶Na gete i anumasia na maani ruma ki mêru, suria i mamêruga, matena i haata na koni. Vikê o Rekaba mo Bana karu unu banu me.

⁷Ngairerua karu banu igê na kiboru i mêru bore igê o Isiboseti, ma karu ahura ki me. Ngairerua karu retenguria na bêna, karu torea ma karu merâ suria na maruguna i Jotano igê na bungiana hagenani.

⁸Ngairerua karu tagarenia na bêna tanga o Tavite na maneraha i oga i Heberone, ma karu vi: “Bâ, na bêna o Isiboseti, karena o Saulo na merongamu kani ikê, i bani rapasigo me vi nahuigo ko meme. Hoita, maneraha, na Araha ki nakago ko marabaru i me baruta o Saulo ma na apaparaha iana.”

⁹O Tavite ki aramirerua, ki vi: “Inê kê tohe renia na Araha mamauri, i bani hagatahiê me tenira na merongaku hato, ga uhungia viga hagamesiê!

¹⁰Na mane tora tamasinga ki râ me i pasiku i Sikilage ma ki hagarongoê, vi o Saulo ki me, ngaia ki takusia, vi ngaia ki merâ me na rongoha koro tangê. Inê kê ranguia ma kê nahuia ki me. Ngaia nga na mena na rongoha koro, i merâ me tangê!

¹¹Ma ki page raha teha ngavê na hagaitangiha tangarerua na eragani nuni, garu nahuia ki me na mane, i mêru i ruma iana marena ma ki pe erasia rârâ ta na marâ. Hoita, inê be marabaruna renigamurua. Inê be hagamagahurugamurua, suria igamurua kamuru nahuia ki me.”

¹²O Tavite ki bonasira na mane ni me iana, ka nahuirerua karu me o Rekaba mo Bana, ma ka retegi râ na rimaterua ma na êgaterua ma ka kuharenigi hagarangia na nonganonga i Heberone. Ngaira ka torea na bêna o Isiboseti ma ka bagia igê na matiku iana o Abenere i ngekana i Heberone.