Read Kahua 1 SIHONGA 2 Bible Online

1 SIHONGA 2 - Kahua bible

1 SIHONGA 2

¹O Jakobo ki aparara o karena tangahuru matarerua: o Rubeni, o Simeone, o Levi, o Juta, o Isakare, o Sebuluni, o Tani, o Josepo, o Benamino, o Napatali, o Gata mo Asere.

³O Juta ki aparara o karena gi rima. Ngaia ma ka Batesua na Kananita karu aparara na kare mane gi oru: o Ere, o Onane mo Sela. O Ere na bêbê ni kare ki erataga ngavê. Tahema na Araha ki nahuia ki me.

⁴Mo Juta ma ka Tamare ka hungâna karu apararerua na kere mane gi rua: o Peresi mo Seraga.

⁵O Peresi ki apararerua o karena gi rua: o Geserone mo Gamule.

⁶O Seraga o vesina ki aparara o karena gi rima: o Simiri, o Etane, o Hemane, o Kalakolo mo Tera.

⁷O Simiri ki apara o Karami. Ta na hitangita o karena o Karami ka no Akara. Ngaia ki hagarateta na Isiraelita, suria ngaia ki toregi tanga so marena tani na marâ na Isiraelita ga bani henahuraugi tenira na merongata, na marâ vi na anina hete na Araha.

⁸O Etane ki apara o Asaria.

⁹O Geserone ki aparara o karena gi oru: o Jeragamele, o Rama mo Kalebe.

¹⁰O Rama ki apara o Aminataba. O Aminataba ki apara o Nagasone, na bêna na hagosi ninuni tenia na varo ninuni iana o Juta. O Nagasone ki apara o Salama.

¹¹O Salama ki apara o Boasi. O Boasi ki apara o Obeti

¹²ma o Obete ki apara o Isai.

¹³O Isai ki aparara o karena gi pi: o Eliaba na bêbe ni kare, o Abinataba, o Sima, o Netanele, o Ratai, o Oseme mo Tavite.

¹⁴

¹⁵

¹⁶Ngaia ki apararerua nikâ ka karena gi rua: ka Seruia ma ka Abigaile. Ka Seruia ki aparara o karena gi oru: o Abisai, o Joaba mo Asaele.

¹⁷Ka Abigaile ki êragia o Jetere na raraha iana o Isimaele. Ngairerua karu apara o Amasa.

¹⁸O Kalebe karena o Geserone ki êragia ka Asuba. Ngairerua karu apara na kare gete: ka Jeriote. Ka Jeriota ki aparara o karena gi oru: o Jesere, o Sobaba mo Aratona.

¹⁹I murina i me ka Asuba, o Kalebe ki êragia ka Eparata ka nâna o vaemana ma karu apara na kare mane: o Gure.

²⁰O Gure ki apara o Uri ma o Uri ki apara o Besalele.

²¹Matena o Geserone ki tonga na 60 na harisi iana, ngaia ki êragia ka karena o Makire, o vaemana o Gileata. Ngairerua karu apara o Segubu. O Segubu ki apara o Jaire.

²²O Jaire ki marungigi na 23 na hinua raha i na apanena i Gileata.

²³Na me ni Gesure me Arama ka henahuraugi na 60 na hinua i Gileata. I Jairi me Kenata henigi na hinua sisite hagarangirerua ma rihirerua. Ngaira hato ga oga i hinua ngegana ka na raraha iana o Makire, o vaemana o Gileata.

²⁴I murina i me o Geserone, o Kalebe o karena ki memêru ka Eparata, ka nâna o vaemana. Ngairerua karu apara o Asure, i haganega na hinua i Tekoa.

²⁵O Jeragamele na bêbê ni kare iana o Geserone ki aparara o karena gi rima: o Rama na bêbê ni kare, o Buna, o Orene, o Oseme mo Agia.

²⁶O Jeragamele ki êragia râ nika ta na gete. Ka Atara ka na atana. Ngairerua karu apara o Onama.

²⁷O Rama ki aparara o karena gi oru: o Masa, o Jamini mo Ekere.

²⁸O Onama ki apararerua o karena gi rua: o Samai mo Jata. O Samai ki apararerua o karena gi rua: o Nataba mo Abisure.

²⁹O Abisure ki êragia ka Abihaile ma ngairerua karu apararerua na kare mane gi rua: o Agabana mo Moliti.

³⁰O Nataba o vesina o Abisure, ki apararerua o karena gi rua: o Selete, mo Apaimi. O Selete ki pe apara kare rârâ ma ki me.

³¹O Apaimi ki apara o Isi. O Isi ki apara o Sesane. O Sesane ki apara o Agalai.

³²O Jata, o vesina o Samai ki apararerua o karena gi rua: o Jetere mo Jonatane. O Jetere ki pe apara kare rârâ ma ki me.

³³O Jonatane ki apararerua o karena gi rua: o Peleti mo Sasa. Ngaira hato ngegana ka na raraha iana o Jeragamele.

³⁴O Sesana ki aparara ma na kare hehene, mareha rârâ vi na kare mane. Ngaia ki nahunia na mane tagara ni Esipito. Na atana ka no Jaraga.

³⁵Ngaia ki hagauragingenia henia ta na hitangita ka karena. Ngairerua karu apara o Atai.

³⁶Na hagosi ninuni i haganega tenia o Atai ki tariha i pasina o Elisama ki manga ikê: o Atai, o Natane, o Sabata, o Epelale, o Obeti, o Jehu, o Asaria, o Gelesi, o Elasa, o Sisemai, o Salumu, o Jekamia mo Elisama.

⁴⁰

⁴²O Mesa ka na bêbê ni kare iana o Kalebe, o vesina o Jeragamele. O Mesa ki apara o Sipi. O Sipi ki apara o Maresa. O Maresa ki apara o Heberone.

⁴³O Heberone ki aparara o karena ge he: o Koraga, o Tapuaga, o Rekeme ma o Sema.

⁴⁴O Sema ki apara o Ragama ma o Ragama ki apara o Jorokeama. O Rekeme o veogana o Sema ki apara o Samai.

⁴⁵O Samai ki apara o Maone. O Maone ki apara o Betesure.

⁴⁶Ka Epa ka na gete râ ma iana o Kalebe. Ngairerua karu aparara na kare mane gi oru: o Garana, o Mosa mo Gasese. O Garana ki apara o Jotai.

⁴⁷O Jotai ki aparara o karena ge ono: o Regeme, o Jotama, o Gesane, o Peleti, o Epa ma o Sapa.

⁴⁸Ta na gete râ ma nikâ iana o Kalebe kani ka Maka. Ngairerua karu apararerua o kareterua gi rua: o Sebere mo Tirigana.

⁴⁹Hemuri ka Maka ki apararerua kê nikâ o karena gi rua: o Sapa mo Sewa. O Sapa ki haganega na hinua i Matamana. O Sewa ki haganega na hinua i Makabena me Giba. Ka karena o Kalebe kani ka Akasa.

⁵⁰Tani nikâ na raraha iana o Kalebe kani igê. O Gure, na bêbê ni kare iaterua o Kalebe ma ka Eparata, ki aparara o karena gi oru. O Sobala na bêbê ni kare iana ki haganega na hinua i Kiriata Jearimi.

⁵¹Na ruata ka no Salama i haganega na hinua i Beteleheme. Na oruta ka no Garepe i haganega na hinua i Betegatere.

⁵²O Sobala i haganega i Kiriata Jearimi ki na êvarita na ai ni Haroe ma na apapana na ai ni Managata.

⁵³Na hagosi ninuni iata hehegitigi ga oga i Kiriate Jearimi ka no Jetere, o Putu, o Suma ma o Misera. Na ai ni Sora me Esetaole ka na raraha iata nogata.

⁵⁴O Salama i haganega i Beteleheme ka na êvarita na ai ni Netopa, ni Atarote Bete Joaba ma na apapana na ai ni Managata, na Sorita, na hagosi ninuni i Jabesi

⁵⁵ga manisingenigi na segeha ma na hagosi ninuni iata hehegitigi o Tira, o Sima, mo Suka. Ngaira ka na Kenita na raraha iana o Gamata, ga auragi hetorariga henira na Rekabita.