Read Kahua 1 SIHONGA 24 Bible Online

1 SIHONGA 24 - Kahua bible

1 SIHONGA 24

¹Ga voasira na mane ni vogasiha na raraha iana o Aroni ka vora na apaparaha hegitigi. O Arone ki aparara o karena ge he: o Nataba, o Abihu, o Eleasare ma o Itamara.

²O Nataba ma o Abihu karu me, matena i tahitahi mênga o vaematerua ma karu pe apara kare rârâ. Tahema o Eleasare ma o Itamara o vesiterua karu vora re na mane ni vogasiha.

³Na maneraha o Tavite ki voasira na raraha iana o Aroni ka vora na apaparaha hehegitigi surigi na tagaraha iata hehegitigi. O Satoke na raraha iana o Eleasare ma o Agimeleke na raraha iana o Itamara karu tamania o Tavite, matena i voasira.

⁴Ngaira ka voasira na raraha iana o Eleasare ka vora na 16 na apaparaha hehegitigi ma ka voasira na raraha iana o Itamara na vora na 8 na apaparaha hehegitigi. I manga ngekana, suria na raraha iana o Eleasare ka rako teharira na raraha iana o Itamara.

⁵Ngaira ka kangikangigi na atata na apaparaha hehegitigi, hanana ga tarahua vi na apaparaha ta kani tanga na ani ta na tagaraha, suria i berarogata na raraha iaterua hegitigi ka oga igê na mane ga bâsuria na ruma ni rotu ma na mane ga bâsuria na hagarahenga tanga God.

⁶I na ara ni mateni ga tavotavo, ngaira ka tavorerua tare na apaparaha gi rua: gi tage tenira na raraha iana o Eleasare ma gi tage tenira na raraha iana o Itamara. O Semaia na mane ni segesegeha karena o Natanele ki segegi so na atata. O Semaia ka na raraha iana o Levi nogana. Ngaia ki kato vikana i maata na maneraha, ngaira na meraha, o Satoke na mane ni vogasiha, o Agimeleke karena o Abiatare, ma ngaira na bêni na hagosi ninuni iata hehegitigi na mane ni vogasiha ma na bêta hehegitigi na raraha iana o Levi.

⁷Nga hanana ga akê me tatage na 24 na apaparaha tangagi na tagaraha iata hehegitigi kani ikê: 1 na apaparaha iana o Joiaribi, 2 na apaparaha iana o Jetaia, 3 na apaparaha iana o Garimi, 4 na apaparaha iana o Seorimi, 5 na apaparaha iana o Malakia, 6 na apaparaha iana o Miamini, 7 na apaparaha iana o Hakosi, 8 na apaparaha iana o Abia, 9 na apaparaha iana o Jesua, 10 na apaparaha iana o Sekania, 11 na apaparaha iana o Eliasibi, 12 na apaparaha iana o Jakimi, 13 na apaparaha iana o Gupa, 14 na apaparaha iana o Jesebaba, 15 na apaparaha iana o Biliga, 16 na apaparaha iana o Imere, 17 na apaparaha iana o Gesire, 18 na apaparaha iana o Hapisese, 19 na apaparaha iana o Petagia, 20 na apaparaha iana o Jegesekele, 21 na apaparaha iana o Jakini, 22 na apaparaha iana o Gamule, 23 na apaparaha iana o Telaia, 24 na apaparaha iana o Masia.

¹⁹Ga segigi so na apaparaha ngegana henigi na mateni ta ka heheuri ka bêbanu i ruma ni rotu, hanana ga katogi na tagaraha iata surigi na ramata iana o Aroni na êvarita, manga na Araha God iata na Isiraelita i bani bonasia vikana.

²⁰Igênga nga na bêni na hagosi ninuni iata hehegitigi na raraha iana o Levi kani igê: o Jegeteiahu na raraha iana o Subaele, i raraha iana o Amarama;

²¹o Jisia na raraha iana o Regabia;

²²o Jagata na raraha iana o Selomote i raraha iana o Jisare;

²³ngaira o karena o Geberone: o Jeria na bêbê ni kare ma ka kahu râ me o Amaria, o Jagasiele ma o Jekamama;

²⁴o Samire na raraha iana o Mika i raraha iana o Usiele;

²⁵o Sekaria na raraha iana o Jisia o vesina o Mika, na raraha iana o Usiele;

²⁶o Magali ma o Musi, ngairerua ka na raraha iana o Jasiahu karena o Merari.

²⁷O Jasiahu ki aparara o karena gi oru: o Sohama, o Sakure ma o Ibiri.

²⁸O Magali ki apararerua o karena gi rua: o Elasare ma o Kisi. O Elasare ki pe apara kare mane rârâ. O Kisi ki apara na kare mane gi tage: o Jeragamele.

³⁰O Musi ki aparara o karena gi oru: o Magali, o Etere ma o Jerimote. Ngaira ngegana ka na hagosi ninuni tenia na varo ninuni iana o Levi.

³¹Na bêna na ara ni hagosi ninuni ngegana henia na hitangita o vesina kani kangikangigi na tagaraha, hanana vi na ani ta na tagaraha kani tanga so marena, manga ga bani kato noga vikana o goata na mane ni vogasiha na raraha iana o Arone. Ngaira ka katokato vikana i maata na maneraha o Tavite, o Satoke, o Agimeleke ma ngaira na bêni na hagosi ninuni iata hehegitigi na mane ni vogasiha ma na mane ni hagarahenga na raraha iana o Levi.