Read Kahua 1 SIHONGA 26 Bible Online

1 SIHONGA 26 - Kahua bible

1 SIHONGA 26

¹Na raraha iana o Levi ga anumasia na ruma ni rotu kani igê: O Meselemia tenia na hagosi ninuni iana o Koraga. Ngaia ka na raraha iana o Kore, na raraha iana o Asapa.

²Ngaia ki aparara o karena gi pi: o Sekaria na bêbê ni kare ma ka kahu râ me o Jetiaele, o Sebatia, o Jataniele, o Elama, o Joganane ma o Elioenai.

⁴Nikâ o Obeti Etome. God ki koro tanga ma ki haganahunia renira o karena gi varu: o Semaia na bêbê ni kare ma ka kahu râ me o Josabata, o Joaga, o Sakare, o Netanele, o Amiele, o Isakare ma o Peuletai.

⁶O Semaia na bêbê ni kare iana o Obeti Etome ki aparara o karena gi ono: o Otoni, o Repaele, o Obeti, o Elesabata, o Elihu, ma o Semakiahu. Ngaira ka raha renira na hagosi ninuni iata hehegitigi, suria ngaira ka aitangisia maninga na bêngeniha ma ngairerua nga ka na vererua i muri.

⁸Na hagosi ninuni iana o Obeti Etome ki nahunira na 62 na mane ga aitangisia ngavê na anumasiha.

⁹Na hagosi ninuni iana o Meselemia ki nahunira na 18 na mane ga aitangisia na anumasiha.

¹⁰Nikâ o Gosa na raraha iana o Merari. Ngaia ki aparara o karena ge he: o Simiri, o Gilikia, o Tebaliahu, ma o Sekaria. O Simiri ki bêngenira, henaka vi ngaia ki pe bêbê ni kare, ma o vaemana ki atea vikana. Ngaira hato haku tenia na hagosi ninuni iana o Gosa ga mane ni anumasiha ka vora 13.

¹²Ga voasira na mane ni anumasiana na ruma ni rotu surigi na hagosi ninuni iata hehegitigi, hanana ga tagara i ruma ni rotu mangara na goata tenia na raraha iana o Levi.

¹³Na ara ni hagosi ninuni iata hehegitigi, henaka viga rako se mareha, ngaira ka kangikangi na atani na maani para ni ruma ni rotu, hanana ga tarahua, vi ti kani anumasia na ani ta na maani para ni ruma ni rotu.

¹⁴O Selemia ki akê me igê na maani para bêkê na ruma ni rotu. O Sekaria o karena, na mane ni hagaotonga koro ki akê me igê na maani para i mahana na ruma ni rotu.

¹⁵O Obeti Etome ki akê me igê na maani para i otona na ruma ni rotu ma ngaira o karena ka akê me igê na kiboru tangagi na marâ tanga na hagarahenga.

¹⁶O Supimi ma o Gosa karu akê me igê na maani para bêso na ruma ni rotu ma na manipara Saleketi igê na tara akê. Ngaira ka heheuri ka katogi na tagaraha ni anumasiha.

¹⁷I na ara ni tangiani ka gâga igê na maanipara bêkê na mane ni anumasiha ge ono, igê na maani para na mahana na vere he, igê na maanipara na otona na vere he ma na vere he nikâ igê na kiboru, na vererua igê na kiboru gi tage.

¹⁸Igê na tara tanga na mahera bêso ka oga igê na vere he ma na vererua igê na mahera.

¹⁹Nga na tagaraha ni anumasiha tangarerua na hagosi ninuni iaterua hegitigi o Koraga ma o Merari kani vikana.

²⁰Nikâ tani na raraha iana o Levi ka bâsurigi na ruruguha ni ruma ni rotu ma na mahatanga, na enoni ga hagapunarigi tanga God.

²¹O Latane na hitangita na raraha iana o Geresone, ki na êvarita tani na hagosi ninuni. I berarogani ki oga igê na hagosi ninuni iana o Jegieli o karena.

²²O Latane ki apararerua o karena gi rua nikâ: o Setama ma o Joele. Na hagosi ninuni iata o hegoata gi oru ngegana ka bâsurigi na ruruguha na ruma ni rotu ma na kiboru tangagi na marâ tanga na hagarahenga.

²³Na raraha iata hehegitigi o Amarama, o Jisare, o Geberone ma o Usiele ka têgi nogata na tagaraha ngegana.

²⁴O Sebuele ma o Selomiti karu vetage mane, suria o Geresome mo Eliesere ka no hegoana.

²⁵O Eliesere ki apara o Regabia. O Regabia ki apara o Jesaia. O Jesaia ki apara o Jorama. O Jorama ki apara o Sikiri ma o Sikiri ki apara o Selomiti.

²⁶O Selomiti ma na goana hato ka bâsurigi na mahatanga hato, na maneraha o Tavite, na bêni na apaparaha hehegitigi, na bêni na hagosi ninuni hehegitigi ma na mane ga bêngenira na mane ni me ga hagapunarigi tanga God.

²⁷Ngaira ka têgi tani na marâ ga bani henahuraugi ma ka hagapunarigi tanga na ruma ni rotu.

²⁸O Selomiti ma na goana ka bâsurigi nikâ na votovoto hato, na poropete o Samuele, na maneraha o Saulo, o Abanere karena o Nere ma o Joaba karena ka Seruia ma rako na enoni getera ga mahatangenigi tanga na ruma ni rotu.

²⁹O Kenania ma ngaira o karena na raraha iana o Jisare ka mane ni segesegeha ma ni hagatamasiha.

³⁰O Gasabia ma na goana tenia na raraha iana o Geberone ka bâsuria na toraha ni takesi tanga na ruma ni rotu ma tanga na maneraha tenira na enoni bêso i ve i Jotano. Ngaira hato haku ka vora 1700. Ngaira ka manisingenia na tagaraha iata ma na enoni ka hagahigasira.

³¹O Jeria ka na bêta na raraha iana o Geberone. Igê na harisi, o Tavite i bani maneraha me surigi na 40 na harisi, ka garia vi ti ka na raraha iana o Geberone. Ngaira ka tarahua, vi na mane ni me ramo tenia na hagosi ninuni iana o Geberone ka oga i Jasere na hinua i Gileata.

³²Na maneraha o Tavite ki atera na 2700 na bêni na ahemata i berarogata na goana o Jeria ma ki nakara ka bâsurigi na marâ igê na apanena igê na rotu ma igê na gavumane i Isiraele bêkê i Jotano, i vi, na apanena iata hehegitigi o Rubeni, o Gata ma ta na apaneni me iana o Manase bêkê i Jotano. Ngaira na 2700 ngegana ka na mane, na enoni ga hagahigasira.