Read Kahua 1 SIHONGA 4 Bible Online

1 SIHONGA 4 - Kahua bible

1 SIHONGA 4

¹Igê kani tani na raraha iana o Juta: o Peresi, o Geserone, o Karami, o Gure, mo Sobala.

²O Sobala ki apara o Reaia. O Reaia ki apara o Jagata. O Jagata ki apararerua o Agumai mo Lahata. Ngairerua ka na êvarita na ai ni Sora.

³O Gure ki na bêbê ni kare iana ka Eparata kaniana o Kalebe o vaemana. Na raraha iana o Gure ka haganega na hinua raha i Beteleheme. O Gure ki aparara o karena gi oru: o Etama, o Penuele mo Esere. O Etama ki aparara o karena gi oru ma ka karena gi tage: o Iserele, o Isima, mo Itibasa ma ka Haseleponi. O Penuele ki haganega na hinua raha i Getore mo Esere ki haganega i Gusa.

⁵O Asure ki haganega na hinua i Tekoa. Ngaia ki êragirerua na hehene gi rua: ka Gela ma ka Nara.

⁶Ngaia ma ka Nara karu aparara o kareterua ge he: o Agusama, o Gepere, o Temeni mo Agasatari.

⁷O Asure ma ka Gela karu aparara o kareterua gi oru: o Sereti, o Isogare mo Etenane.

⁸O Koso ki aparerua o Anube mo Hasobeba ma ki na êvarita na hagosi ninuni iana o Agaragele, karena o Harumu.

⁹Ta na mane o Jabesi. Ngaia ki raha igê na ruma iana. Kenana ki hêtana vi o Jabesi, suria i hara bâraha renia matena i apara.

¹⁰O Jabesi ki avarasia God iata na Isiraelita, ki vi: “God, gu koro tangê ma ku haganahuniê renia na mako raha. Gu anumasiê, hanana siana na mamasiaganiha ma na obaerana ke tarahuê.” God ki aganaria na avarasiha iana.

¹¹O Kelube o veogana o Suga ki apara o Megire. O Megire ki apara o Esetone. O Esetone ki aparara o karena gi oru: o Beterapa, o Paseaga mo Tegina. O Tegina ki haganega na hinua raha i Nagasa. Na raraha iata na mane ngegana ka oga i Reka.

¹³O Kenasi ki apararerua o karena gi rua: o Otoniele mo Seraia. O Otoniele ki apararerua o karena gi rua: o Gatata mo Meonotai. O Meonotai ki apara o Opera. O Seraia ki apara o Joaba, i haganega i Gai Garasimi, na hinua ga oga igê na mane ga manisingenigi na tagaraha renigi na apinige ma na aiani.

¹⁵O Kalebe karena o Jepune ki aparara o karena gi oru: o Iru, o Ela mo Nama. O Ela ki apara o Kenasi.

¹⁶O Jehalelele ki aparara o karena ge he: o Sipi, o Sipa, o Tireia mo Asarele.

¹⁷O Esera ki aparara o karena ge he: o Jetere, o Merete, o Epere mo Jalone. O Merete ki êragia ka Bitia ka karena na maneraha i Esipito. Ngairerua karu aparara na kere gete ma na kere mane gi rua: ka Miriama, o Samai mo Jisibaga. O Jisibaga ki haganega na hinua i Esetemoa. O Merete ki êragia nikâ na gete tenia na varo ninuni iana o Juta. Ngairerua karu aparara o kareterua gi oru: o Jerete, i haganega na hinua i Getore, o Gebere i haganega na hinua i Soko, ma o Jekutiele i haganega na hinua i Sanoaga.

¹⁹O Hotia ki âragia kesina o Nagama. Na raraha iaterua ka na hagosi ninuni iaterua hegitigi o Garami ga oga i Keila ma o Makata ga oga i Esetemoa.

²⁰O Simone ki aparara o karena ge he: o Amanone, o Rina, o Beneganana mo Tilone. O Jisi ki aparararerua o karena gi rua: o Sogete mo Benesogete.

²¹Ta na hitangita o karena o Juta ka no Sela. I berarogata na raraha iana ka oga igê o Ere, i haganega na hinua i Leka; o Lata i haganega na hinua i Maresa; na hagosi ninuni iata na enoni ga manisingenigi na hêriani na gahu ma ka gâga i Bete Asabea;

²²O Jokimo ma na ai ni Koseba; o Joasa mo Sarapa garu êragi i Moaba ma karu kahu aporo me i Beteleheme. Na sihonga ngegana ka bani akê me kere vê noga.

²³Ngaira ka na enoni ga tagarahigi na pi, na apira ma na kâkâ renigi na hêpia, ka tagara tanga na maneraha ma ka oga i Netaimi me Getera.

²⁴O Simeone ki aparara o karena gi rima: o Nemuele, o Jamini, o Jaribi, o Seraga mo Saulu.

²⁵O Saulu ki apara o Salumu. O Salumu ki apara o Mibisama. O Mibisama ki apara o Misima.

²⁶O Misima ki apara o Gamuele. O Gamuele ki apara o Sakure mo Sakure ki apara o Simi.

²⁷O Simi ki aparara o karena tangahuru matare ono ma ka karena ge ono, ma na goana ka pe apara kare rako vikana. Vikana na varo ninuni iana o Simeone ki pe raha manga na varo ninuni iana o Juta.

²⁸Tariha me na matena iana na maneraha o Tavite na raraha iana o Simeone ka ogasigi na hinua igê: i Bereseba, i Molata, i Gasare Suala,

²⁹i Biliha, i Eseme, i Tolata,

³⁰i Betuele, i Goroma, i Sikilaga,

³¹i Bete Hamarakabote, i Gasare Susimi, i Bete Biri me Saraimi.

³²Ngaira ka ogasigi na hinua raha gi rima me nikâ: i Etame, i Aini, i Rimone, i Tokene me Asane, henigi na hinua sisite hagarangigi ki râ ki tariha i Bala. Ngegana ka na sihonga ga bani akê me kere vê noga renira na hagosi ninuni iata ma renigi na hinua ga ogasigi ma ka segegi so, hanana ga gâga nga henira.

³⁴Igê nga ka na bêni na hagosi ninuni hehegitigi iata: o Mesobaba, o Jamaleke, o Josa karena o Amasia, o Joele ma o Jehu karena o Josibia. O vaemana o Josibia ka no Seraia mo virana o Josibia ka no Asiele; o Elioenai, o Jakobo, o Jesogaia, o Asaia, o Atiele, o Jesimiele, o Benaia ma o Sisa karena o Sipi. O vaemana o Sipi ka no Alone na raraha iata o Jetaia, o Simiri mo Semaia.

³⁸Suria na hagosi ninuni iata ka ama ni tataka nga,

³⁹ngaira ka oga totoko ka bêso tanga i Getore, hanana ga tarahugi igê na bena ni go tangara na togoha iata igê na maruguna bêkê i Gai.

⁴⁰I ngekana ngaira ka tarahugi rako na bena ni go igê na mako koro. Na agua ngekana ki ararira ngaira hato, ki mangumanguaga ma ki maramarapeaga. Na Gamita kaniga oga i nago i ngekana.

⁴¹Igê na matena o Hisikia i maneraha i Juta, na bêni na hagosi ninuni ngegana ka râ i Getore ma ka taharira igê na Gamita, ka hagaerasigi na ruma na gahu iata ma ka teharira na Meunita nikâ. Ngaira ka tarigenira hura ma ka ogasia hagahu parera na agua ngekana, suria i ngekana na go ka manasia ngavê tangara na togoha iata.

⁴²Na 500 na raraha iana o Simeone ka bêkê tanga i Etome. O karena o Jisi kaniga bêngenira. Ngaira ka no Pelatia, o Nearia, o Repaia mo Usiele.

⁴³Ngaira ka mutera na Amalakita ga tahi râ. Ngaira ka ogasia parera mataro me i ngekê.