Read Kahua 1 SIHONGA 7 Bible Online

1 SIHONGA 7 - Kahua bible

1 SIHONGA 7

¹O Isakare ki aparara o karena ge he: o Tola, o Pua, o Jasibi mo Simirone.

²O Tola ki aparara o karena ge ono: o Usi, o Repaia, o Jeriele, o Jagamai, o Jibisama mo Semuele. Ngaira ka na bêni hehegitigi na hagosi ninuni tenia na varo ninuni iana o Tola. Ngaira ka manisingenia na hearihatana. I na matena iana na maneraha o Tavite na raraha iata ka 22, 600.

³O Usi ki apara o karena gi tage: o Jisiragia. O Jisiragia ki aparara o karena ge he: o Mikaele, o Obatia, o Joele mo Jisia. Ngaia mo karena ka na bêni na hagosi ninuni hehegitigi.

⁴Ngaira ka rako na gete iata ma na kareta. Ngekana na raraha iata ka girara ga vatera na 36, 000 na mane ni me.

⁵Igê na pepa renira na hagosi ninuni tenia na varo ninuni iana o Isakare ka oga igê na 87, 000 na atata na mane ni me.

⁶O Benamino ki aparara o karena gi oru: o Bela, o Bekere mo Jetiaele.

⁷O Bela ki aparara o karena gi rima: o Esebone, o Usi, o Usiele, o Jerimote mo Iri. Ngaira ka na bêni na hagosi ninuni hehegitigi ma ka manisingenia na hearihatana. Igê na pepa renira na hagosi ninuni iata hehegitigi ka oga igê na 22, 034 na atata na mane ni me.

⁸O Bekere ki aparara o karena gi siva: o Semira, o Joasa, o Eliesere, o Elioenai, o Omori, o Jeremote, o Abia, o Anatote mo Alemete.

⁹Igê na pepa renira na hagosi ninuni iata hehegitigi ka oga igê na 20, 200 na atata na mane ni me.

¹⁰O Jetiaele ki apara o karena gi tage: o Bilihane. O Bilihane ki aparara o karena gi pi: o Jeusi, o Benamino, o Ehuti, o Kenaana, o Setane, o Tarasisi, mo Agisagare.

¹¹Ngaira ka na bêni na hagosi ninuni hehegitigi iata ma ka manisingenia na hearihatana. Igê na pepa renira na hagosi ninuni iata hehegitigi ka oga igê na 17, 200 na atata na mane ni me.

¹²O Supimi mo Gupimi, ka no karena o Iri, ngairerua nikâ kani igê na varo ninuni ngekana. O Gusimi ka no karena o Agere.

¹³O Napatali ki aparara o karena ge he: o Jagasiele, o Guni, o Jesere mo Salumu. Kirata kani ka Biliha.

¹⁴Kaniana o Manase ki apara o Asariele ma na gete râma iana ni Arama ki apara o Makire. O Makire ki apara o Gileata.

¹⁵O Makire ki gari gete tonganirerua o Gupimi mo Supimi. Kesina o Makire kani ka Maka. O Makire ki apara ta na kare mane nikâ: o Selopagata. O Selopagata ki aparara ma na tongani gete.

¹⁶Kaniana o Makire kani tani nikâ ka Maka. Ngairerua karu apararerua o kareterua gi rua: o Peresi mo Seresi. O Peresi ki apararerua o karena gi rua: o Ulama mo Rekeme.

¹⁷O Ulama ki apara o Betane. Ngaira ngegana ka na raraha iana o Gileata karena o Makire. O Manase ka no virana o Gileata.

¹⁸Ka Molekete, kesina o Makire ki aparara o karena gi oru: o Isote, o Abiesere mo Magala.

¹⁹O Semita ki aparara o karena ge he: o Agaiana, o Sekeme, o Likigi mo Aniama.

²⁰Na varo ninuni iana o Eparaimi kani ikê. O Eparaimi ki apara o Sutelaga. O Sutelaga ki apara o Berete. O Berete ki apara o Tagata. O Tagata ki apara o Elata. O Elata ki apara o Tagata. O Tagata ki apara o Sabata.

²¹O Sabata ki apararerua o Esere mo Elata. Na ai ni Gata ka nahuirerua o Esere mo Elata karu me, matena garu uhungia vigaru hanagora na togoha iata.

²²Na varo ninuni iana o Eparaimi ki oga ni hetakiha arihu era renirerua ma na goana ka hagamanapua o Sabata.

²³Matena i hato na hagahunu bungi, ngaia ki memêru nikâ kaniana. Ngaia ki atui, ki obara ma ki apara na kare mane. O Sabata ki hêtana vi o Beria, i vi mamasiaganiha, suria na mamasiaganiha ki tarahua na ahemata iana.

²⁴O Beria ki apara na kare hehene: ka Sera. Ka Sera ki haganegarerua na hinua i Bete Gorone, i ano ma i kere tagere, me Usene Sera.

²⁵O Beria ki apara nikâ na kare mane: o Repaga. Na raraha iana o Repaga kani igê: o Resepe, o Telaga, o Tagana, o Latana, o Amihuti, o Elisama, o Nune mo Josua.

²⁸Igê na agua ga ogasigi ka oga igê: i Betele henigi na hinua rihia i akê ki tariha i Narana ma ki so ki tariha i Gesere henigi na hinua rihia ma nikâ na hinua raha i Sigeme me Aia henigi na hinua sisite rihirerua.

²⁹Na raraha iana o Manase ka nahunigi na hinua raha i Bete Seane, i Tanaka, i Megito me Tore henigi na hinua sisite rihigi. Ngaigi nga ka na hinua ga oga igê na raraha iana o Josepo karena o Jakobo.

³⁰O Asere ki aparara o karena ge he ma ka karena gi tage: o Jimina, o Jisiwa, o Jisiwi, o Beria ma ka Seraga.

³¹O Beria ki apararerua o karena gi rua: o Gebere mo Malakiele, i haganega na hinua i Bire Saiti.

³²O Gebere ki aparara o karena gi oru ma ka karena gi tage: o Japalete, o Somere, o Gotama ma ka Sua.

³³O Japalete ki aparara o karena gi oru: o Pasaka, o Bimihale mo Asawata.

³⁴O Somere, o vesina, ki aparara o karena gi oru: o Roga, o Jeguba mo Arama.

³⁵O Gotama, ga hêtana nikâ vi o Heleme, ki aparara o karena ge he: o Sopaga, o Jimina, o Selesi mo Amala.

³⁶Na raraha iana o Sopaga ka no Suaga, o Garanepere, o Suala, o Beri, o Jimira, o Besere, o Hote, o Sama, o Silisa, o Jitirane mo Bera.

³⁸Na raraha iana o Jetere ka no Jepune, o Pisipa mo Ara.

³⁹Na raraha iana o Ula ka no Araga, o Ganiele mo Risia.

⁴⁰Ngaira hato ngegana ka na raraha iana o Asere. Ngaira ka na bêni na hagosi ninuni hehegitigi, ka manisingenia na hearihatana ma ka bêngenira bâkoro era na kariata. Igê na pepa renira na hagosi ninuni iata hehegitigi ka oga igê na 26, 000 na atata na mane ni me.