Read Kahua 1 SIHONGA 9 Bible Online

1 SIHONGA 9 - Kahua bible

1 SIHONGA 9

¹Ga Segera so na Isiraelita hato surigi na apaparaha iata hehegitigi igê na buka renira na maneraha i Juta me Isiraele. Ga bani henahuraura na ai ni Juta tanga i Babilone meni na bagatauhata.

²Na ani, ga aporo me hagenago tangagi na nahuninga iata surigi na hinua iata hehegitigi, ka mareha vi na ani mavê na Isiraelita ma nikâ hete na mane ni vogasiha na raraha iana o Levi ma na mane tagara i ruma ni rotu.

³Na enoni tenigi na varo ninuni iata hehegitigi o Juta, o Benamino, o Eparaimi ma o Manase ka râ ka oga i Jerusaleme.

⁴Na bêni na raraha iana o Peresi karena o Juta ka no Utai karena o Amihuti. O virana ka no Omiri. Vaemana o Omiri ka no Imiri ma o Bani ka no virana.

⁵Na bêni na raraha iana o Sela karena o Juta ka no Asaia ma ngaira o karena.

⁶Na bêni na raraha iana o Seraga karena o Juta ka no Jeuele ma ngaira o vesina. Ngaira hato haku ka vora na 690.

⁷Ngaira na bêni na raraha iana o Benamino ga oga i Jerusaleme ka no Salu karena o Mesulama ma o virana ka no Hotavia karena o Hasenua; o Jibine o karena o Jerogama; o Ela karena o Usi ma o virana ka no Mikiri; o Mesulama karena o Sepatia ma o virana ka no Reuele karena o Jibinia.

⁹Ngaira hato haku na raraha iana o Benamino ga oga i Jerusaleme ka vora na 956. Na mane hato ngegana ka na bêni na apaparaha iata hehegitigi.

¹⁰Na mane ni vogasiha ga oga i Jerusaleme kani igê: o Jetaia, o Joiaribi mo Jakini; o Asaria karena o Gilikia i raha tangara na enoni tagara i ruma ni rotu. Na êvarina ka no Gilikia, o Mesulama, o Satoke, o Meraiote ma o Agitube; o Ataia karena o Jerogama. O virana ka no Pasure karena o Malakia; o Masai karena o Atiele. Na êvarina ka no Atiele, o Jagasera, o Mesulama, o Mesilemiti ma o Imere.

¹³Ngaira hato haku na mane ni vogasiha, ga bêni na apaparaha iata hehegitigi ka vora na 1760. Ngaira ka manisingenigi na tagaraha i ruma ni rotu.

¹⁴Na mane ni hagarahenga ga oga i Jerusaleme kani igê: o Semaia karena o Gasube. Na êvarina ka no Gasube, o Asarikama, ma o Gasabia. Ngaira kani tenia na hagosi ninuni iana o Merari. O Bakabakare, o Geresi ma o Galale; o Matania karena o Miga. O Virana ka no Sikiri karena o Asapa; o Obatia karena o Semaia. Virana ka no Galale karena o Jetutuni; o Berekia karena o Asa. Virana ka no Elekana. Ngaia ki oga i ta na hitangini na hinua hagarangia i Netopa.

¹⁷Na mane ni anumasiana na ruma ni rotu ga oga i Jerusaleme kani igê: o Salumi, o Akube, o Talamone, o Agimane. O Salumi ki raha tangara.

¹⁸Haganega tenia i nago mataro me igê na matena ngekana na hagosi ninuni iata hehegitigi ka anumasia na maani ruma bêkê na ruma ni rotu, na maneraha i bêbanu tare igê. I nago ngaira ka anumasigi na tara tangagi na tênga iata na raraha iana o Levi.

¹⁹O Salumi ka no karena o Kore. Virana ka no Ebiasapa. Ngaia henira na goana tenia na hagosi ninuni iana o Koraga, ki tuguhia i anumasia na maani ruma na ruma na gahu apuna iana na Araha. I nago na êvarita ka anumasia na tênga iana na Araha.

²⁰O Pinegasi na mane ni vogasiha i teha, karena o Eleasare ngaia kani raha tangara ma na Araha ki tamania.

²¹O Sekaria karena o Salumi ki anumasia nogana na maani ruma na ruma na gahu apuna iana na Araha.

²²Ngaira hato haku na mane ga atera ka anumasigi na maani ruma ma na maani para na ruma ni rotu ka vora na 212. Ga segegi so na atata surigi na hinua iata hehegitigi. Na maneraha o Tavite ma o Samuele na poropete karu bani kasira na êvarita tangagi na tagaraha ngegana.

²³Ngaira ma na raraha iata ka heheuri ka anumasigi na maani ruma ma na maani para na ruma ni rotu.

²⁴Na maani para ngegana ka vora ge he ma ka mato hegitigi: tani bêkê, tani bêso ma tani tonganirerua na apanenaheri na ruma ni rotu. Na ara ni hitangini na maani para na ruma ni rotu ki tonga renia na mane ni anumasiha i raha tangara na tamana.

²⁵Na tamata ngegana ka na goata ga oga surigi na hinua iata hagarangia i Jerusaleme ma ka heheuri ka anumasigi na maani para na ruma ni rotu surigi na ara ni tangiani gi pi.

²⁶Na mane ni anumasiha ge he ga raha tangara ngegana ka na raraha iana o Levi ma ka bêngenira na kariata hehegitigi. Ngaira ka bâsurigi nikâ na kiboru i ruma ni rotu henigi na kiboru ni ruruguha.

²⁷Ngaira ka mauru igê na kiboru ga ngato râ henia na ruma ni rotu, suria ki na tagaraha iata ga anumasia na ruma ni rotu ma ka tangahigi na maani para na ruma ni rotu i na ara ni mavoraro.

²⁸Tani na hitangita ka bâbâsurigi na marâ tanga na hagarahenga. Ngaira ka tomanigi tare i nago na hagarahenga ma i murina na hagarahenga.

²⁹Tani nikâ ka bâsurigi na marâ apuna getigi tanga na hagarahenga ma na palaua, na vaini, na oile ni olive, na marâ ni sungiha ga sigini koro ma na marâ ni hagamuani na ngêra.

³⁰Ma na torariana na oile ni moneha ka na tagaraha iata na mane ni vogasiha.

³¹Ta na raraha iana o Levi nikâ kani bâsuria na hahiana na bereti tanga na vogasiha. Ngaia ka no Matitia na bêbê ni kare iana o Salumi. Ngaia kani tenia na hagosi ninuni iana o Koraga.

³²Na raraha iana o Kehata na tagaraha iata kaniga nakanaka na guani na bereti apuna igê na atohani i ruma ni rotu i na ara ni tangiana ni mamaroha.

³³Na bêni na apaparaha tenia na varo ninuni iana o Levi na tagaraha iata kaniga totora kiha. Ngaira ka ogasigi tani na ruma ga ngato râ henia na ruma ni rotu. Ngaira ka bâsurigi na kiha igê na tangiani ma na bungiani. Tahema ki bara tangara vige katogi na ani getigi na tagaraha.

³⁴Na mane hato ngegana ka na bêni na apaparaha iata hehegitigi tenia na varo ninuni iana o Levi ma ka oga i Jerusaleme.

³⁵O Jeiele ki haganega na hinua raha i Gibeone ma ki oga igê. Ka aniana kani ka Maka.

³⁶Ngaira o kareterua ka no Abatone na bêbê ni kare ma ka kahu râme o Sure, o Kisi, o Bala, o Nere, o Nataba, o Getore, o Agio, o Sekaria ma o Mikilote, i apara o Simama. Ngaira ka pania i Gibeone ma ka râ ka oga henira na goata i Jerusaleme.

³⁹O Nere ki apara o Kisi mo Kisi ki apara o Saulo. O Saulo ki aparara o karena ge he: o Jonatane, o Malakisua, o Abinataba ma o Esebala.

⁴⁰O Jonatane ki apara o Meribala ma o Meribala ki apara o Mika.

⁴¹O Mika ki aparara o karena ge he: o Pitone, o Meleke, o Tagarea ma o Agasa.

⁴²O Agasa ki apara o Jara. O Jara ki aparara o karena gi oru: o Alemeti, o Asamavete ma o Simiri. O Simiri ki apara o Mosa.

⁴³O Mosa ki apara o Bina. O Bina ki apara o Repaia. O Repaia ki apara o Elasa ma o Elasa ki apara o Asele.

⁴⁴O Asele ki aparara o karena ge ono: o Asarikama, o Bokeru, o Jisimaele, o Searia, o Obatia ma o Ganana. Ngaira kani na raraha iana o Asele.