Read Kahua 2 SIHONGA 27 Bible Online

2 SIHONGA 27 - Kahua bible

2 SIHONGA 27

¹O Jotama ki vora re na maneraha, matena i tangahuru gi rua matare rima na harisi iana. Ngaia ki oga i Jerusaleme ma ki maneraha surigi na harisi tangahuru matare ono. Kenana kani ka Jerusa ka karena o Satoke.

²O Jotama ki hagakoro obana na Araha manga o vaemana, ma ki pe tasi rârâ manga o vaemana, i sungigi na marâ i sigini koro i ruma ni rotu. Ma na enoni ka ama ni tasitasi nga.

³Ngaia nga o Jotama kani tagarahia na maanipara na ruma ni rotu bêrâ tanga i Samaria. Ngaia ki maningaia na para ni hinua i Jerusaleme i Opele.

⁴Ngaia ki tagarahigi na hinua surigi na hungani i Juta, ma na bebetehe ma na ruma nganganihaga surigi na vapuni.

⁵Ngaia ki meraheariha na maneraha ni Amone ma na mane ni me iana ma ki teharira. Hemuri ngaia ki tugurira na ai ni Amone ka vuri takesi tanga surigi na harisi gi oru. I na ara ni harisi ka vurivuri takesi renigi na 3000 kilo na siliva, na 45, 000 na paike na koni ma na 4500 na paike na raisi.

⁶O Jotama ki ama ni raramohaga nga, suria i toto suria maninga na Araha God iana.

⁷Na marâ getigi ga akê me, matena o Jotama ki maneraha, henigi na hearihatana iana ma na katoha iana ni marungiha ka bani segegi so igê na buka ni sihonga renira na maneraha i Isiraele me Juta.

⁸O Jotama ki vora re na maneraha, matena i tangahuru gi rua matare rima na harisi iana. Ngaia ki oga i Jerusaleme ma ki maneraha surigi na harisi tangahuru matare ono.

⁹Ngaia ki me ma ka bagia i hinua iana o Tavite ma o Agasa o karena ki maneraha urusia.