Read Kahua NEHEMIA 10 Bible Online

NEHEMIA 10 - Kahua bible

NEHEMIA 10

¹Na mane gi rua, garu segegi hagenago na ataterua igê na pepa ni heaganariha ka na gavumane o Nehemia karena o Gakalia ma o Sitikia. Na ani getera na mane, ga segegi so na atata igê, kani igê:

²Na mane ni vogasiha: o Seraia, o Asaria ma o Jirimeia o Pasure, o Amaria ma o Malakia o Gatusi, o Sebania ma o Maluku o Garimi, o Meremote, o Obatia, o Taniele, o Ginetone ma o Barugu o Mesulama, o Abia ma o Miamini o Masia, o Biligai ma o Semaia.

⁹Na mane ni hagarahenga: o Jesua karena o Asania o Binui na raraha iana o Genatata mo Katamiele ma na goaterua o Sebania ma o Hotia o Kelita, o Pelaia ma o Ganane o Mika, o Regobe ma o Gasabia o Sakure, o Serebia ma o Sebania o Hotia, o Bani ma o Bininu.

¹⁴Na meraha iata na enoni: o Parosi ma o Pagata Moaba o Elama, o Satu ma o Bani o Buni, o Asagata ma o Bebai o Atonia, o Bigivai ma o Atini o Atere, Gisikia ma o Asure o Hotia, o Gasumu ma o Besai o Garipi, o Anatote ma o Nebai o Magapiasi, o Mesulama ma o Gesire o Mesesabele, o Satoke ma o Jatua o Pelatia, o Ganane ma o Anaia o Hosea, o Ganania ma o Gasube o Halogesi, o Piliga ma o Sobeke o Regumu, o Gasabana ma o Maseia o Agia, o Ganane ma o Anane o Maluku, o Garimi ma o Bana.

²⁸“Igami na Isiraelita, na mane ni hagarahenga ma ni vogasiha, na mane ni anumasiha ni ruma ni rotu, na enoni ni kiha i ruma ni rotu, na enoni ni tagaraha ni ruma ni rotu, ma na enoni hato getera ga marupegi na ramata iana God ma tahema ka oga tarege râ nogata tenira na mahuara i pasimami, igami hato henira na gete iamami ma na karemami hato ga arari ni karinga,

²⁹igami kami tohe henira na enoni raha iamami, vigami mauri surigi na ramata iana God, i vatea o Moise na kariana renigi tangagami, ma kami arâ surigi na tamasinga hato iana na Araha, na Araha iamami, ma kami marupegi na ramata hato ma na obaniha iana. Ma ki manga igami ma kami aharêngia na tohenga, hoi, na hagaitangiha ke tarahugami. Igami kami heaganari vikê:

³⁰Igami, ki apu, vigami auragi hetarênge henira na mahuara ga oga i berarogamami.

³¹Manga na mahuara ma ka migirâ me na koni se ta na marâ, hanana viga hagavuri tangagami igê na tangiana ni mamaroha se vi igê na anima na tangiana apuna ni rotu, igami ki asa vigami vurigi tenira. Suria na ara ni pita na harisi igami ki apu, vigami tagarahigi igê na mu. Ma kami bonotenigi vê na ara ni hagaba tenigami.

³²I na ara ni harisi ki tuguhigami, vigami mahatangenigi na kere siliva sisite tanga na rotu, hanana ga vurivuri re na marâ tanga na hagarahenga.

³³Igami ki tuguhigami, vigami tamania na hagarahenga i ruma ni rotu renigi na bereti apuna, na koni ni vogasiha i na ara ni tangiani, na ganiani ga susu renigi i na ara ni tangiani, na votovoto apuna tangagi na tangiani ni mamaroha, tangagi na tangiani raha ni hageha haoru ma tangagi na tangiani raha getigi igê na rotu ma na ani getigi na votovoto apuna ma na marâ tanga na vogasiha ni bonoteniha ni tasi iata na Isiraelita, ma na ani mavê na marâ i obanigi na ruma ni rotu.

³⁴I na ara ni harisi igami na enoni, ma na mane ni vogasiha ma ni hagarahenga ki tuguhigami, vigami kangikangia na heni ga oga igê na atani na hagosi ninuni, hanana vigami tarahua na hagosi ninuni i page mahatangenigi na ario tanga ga susu renigi na vogasiha tanga na Araha God iamami, manga hanana i bonasigami na ramata.

³⁵I na ara ni harisi ki tuguhigami, vigami toregi na nagoni na mu ma na nagoni na apinige ni ngauha iamami tanga na ruma ni rotu.

³⁶Igami ki tuguhigami, vigami merarâ i ruma ni rotu na bêbê ni kare mane tangara na mane ni vogasiha, hanana ga tagarenira tanga God suria na ramata. I tuguhigami nikâ, vigami tagarenira tanga God na kareta hagâkani na puruka, na sipi ma na goti.

³⁷I na ara ni harisi ki tuguhigami, vigami migirâ i ruma ni rotu tangara na mane ni vogasiha na makoni na nagoni na koni ma na votovoto getigi na vaini, na oile ni olive ma na ani mavê na guani na apinige ni ngauha. Igami ki tuguhigami, vigami vatera na mane ni hagarahenga ga tavotavo na tangahuruta na ara ni marâ surigi na hinua iamami ga nahunigi na mako, na tangahuruta na ngêra tenigi na mu iamami.

³⁸Na mane ni vogasiha na raraha iana o Aroni ki tuguhira, viga gâga henira na mane ni hagarahenga, matena ga tavogi na tangahuruta na marâ. Ma na mane ni hagarahenga ki tuguhira, viga bêbagi tanga na rotu igê na kiboru i ruma ni rotu na tangahuruta tenigi na tangahuruta ga toregi.

³⁹Na Isiraelita ma na mane ni hagarahenga ki tuguhira, viga bêbagi na votovoto na koni, na vaini ma na oile ni olive surigi na kiboru ga oga igê na marâ tanga na hagarahenga i ruma ni rotu. I ngekana ka oga igê nikâ na kiboru iata na mane ni vogasiha ga heheuri ka tagara, ma na kiboru iata na mane ni anumasiana na ruma ni rotu ma na enoni ni kiha tanga na hagarahenga. Igami, ki asa vigami hagêrahu vi mi bâsuria bâkoro na ruma iana God iamami.