Read Kahua NEHEMIA 11 Bible Online

NEHEMIA 11 - Kahua bible

NEHEMIA 11

¹Na meraha iata na enoni ka oga i Jerusaleme ma na enoni getera ka kangikangigi na atata na ahemata iata, hanana ga girara vi na ahemata ta kaniga page arâ ka gâga i hinua apuna i Jerusaleme, suria na ani gi tage ma na ahemata tenira na ara ni tangahuru na ahemata kani girara i gâga i Jerusaleme. Na ani ga hitahita ka arâ nga ka ogasigi na hinua getigi, na ani raha ma na ani sisite.

²Na enoni ka vagevage renira na ahemata, ga agana ka gâga i Jerusaleme.

³Surigi na hinua getigi, na ani raha ma na ani sisite, ka oga igê na ani getera na Isiraelita, na mane ni vogasiha ma ni hagarahenga, na mane tagara i ruma ni rotu ma na raraha iata na kare vurivuri iana o Salomo. Ngaira ka oga igê na mako iata mareta igê na hinua iata mareta.

⁴Na mane ga bâsurigi na apaneni hegitigi i Juta ma ka oga i Jerusaleme, kani igê: Tenia na varo ninuni iana o Juta: O Ataia karena o Usia ma o virana ka no Sekaria. Na êvarina getera ka no Amaria, o Sepatia ma o Mahalalele. Ngaira ka na raraha iana o Peresi karena o Juta.

⁵O Maseia karena o Barugu ma o virana ka no Kologose. Na êvarina getera ka no Gasaia, o Ataia, o Joiaribi ma o Sekaria. Ngaira ka na raraha iana o Sela karena o Juta.

⁶Ngaira hato haku na mane na raraha iana o Peresi ga oga i Jerusaleme ka 468. Ngaira hato ka na mane, na enoni ga hanetasira.

⁷Tenia na varo ninuni iana o Beniamini: o Salu karena o Mesulama ma o virana ka no Joeti. Na êvarina getera ka no Petaia, o Kolaia, o Maseia, o Itiele ma o Jesaia.

⁸Nikâ o Gabai ma o Salai, garu goana o Salu. Ngaira hato haku na raraha iana o Beniamini ga oga i Jerusaleme ka 928.

⁹O Joele karena o Sikiri kani bêngenira ma o Juta karena o Hasenua ka na ruata tanga na mane i raha tanga na hinua.

¹⁰Na mane ni vogasiha ga oga i Jerusaleme, kani igê:

¹¹o Jetaia karena o Joiaribi ma o virana ka no Jakini. O Seraia na mane ni vogasiha i teha. O vaemana ka no Gilikia ma o virana ka no Mesulama. Na êvarina getera ka no Satoke, o Meraiote ma o Agitube.

¹²Na 822 na raraha iata ka tagara mangara na mane ni vogasiha i ruma ni rotu. Nikâ o Ataia karena o Jerogama ma o virana ka no Pelalia. Na êvarina getera ka no Amisi, o Sekaria, o Pasure, ma o Malakia.

¹³Na 242 na raraha iata ka na bêni na ahemata iata hehegitigi. O Amasai karena o Asarele ma o virana ka no Agasai. Na êvarina getererua ka no Mesilemote ma o Imere.

¹⁴Na 128 na raraha iata ka mane ni me ramo. Na mane i bêngenira ka no Sabatiele karena o Getolimi.

¹⁵Na mane ni hagarahenga ga oga i Jerusaleme, kani igê. O Semaia karena o Gasube ma o virana ka no Asarikama. Na êvarina getererua ka no Gasabia ma o Buni.

¹⁶O Sabetai ma o Josabata garu bêni na hagosi ninuni iaterua hegitigi. Ngairerua karu bâsurigi na tagaraha i metara na ruma ni rotu.

¹⁷O Matania karena o Mika ma o virana ka no Sabati, na raraha iana o Asapa. Ngaia ki bêngenia na kiha i ruma ni rotu tanga ga visia koro ma ka visia raha igê na Araha. O Bakabukia na ruata tanga o Matania. O Abata karena o Samua ma o virana ka no Galale na raraha iana o Jetutuni.

¹⁸Ngaira hato haku na mane ni hagarahenga ga oga i na hinua apuna i Jerusaleme ka 284.

¹⁹Na mane ni anumasiana na ruma ni rotu ga oga i Jerusaleme kani igê: o Akube ma o Talamone ma na goaterua, ngaira hato haku ka 172.

²⁰Na ani getera na Isiraelita ma na mane ni vogasiha ma ni hagarahenga ga hita râ, ka oga igê na mako iata mareta surigi na hinua getigi, na ani raha ma na ani sisite i Juta.

²¹Na mane tagara i ruma ni rotu ka oga i tagua i Jerusaleme ga hêtana vi i Opele. O Siga ma o Gisipa kani garu raha tangara.

²²O Usi karena o Bani ki raha tangara na mane ni hagarahenga ga oga i Jerusaleme. O virana ka no Gasabia. Na êvarina getererua ka no Matania ma o Mika. Ngaia kani tenia na hagosi ninuni iana o Asapa. Na hagosi ninuni ngekana ki tuguhia, vi torea na kiha igê na hagarahenga i ruma ni rotu.

²³I na ara ni tangiani ngaira ka heheuri ka totora ki i ruma ni rotu surigi na ramata iana na maneraha i Pesia.

²⁴O Petagia karena o Mesesabele tenia na hagosi ninuni iana o Seraga tenia na varo ninuni iana o Juta. Ngaia ki tamasi urusira na Isiraelita i pasina na maneraha i Pesia.

²⁵Na enoni rako ka oga surigi na hinua hagarangigi na mako iata. Na raraha iana o Juta ka oga i hinua raha i Kiriata Araba, i Tibone ma i Jekabasele ma i na hinua sisite hagarangigi.

²⁶Ngaira ka ogasigi nikâ na hinua raha i Jesua, i Molata, i Bete Peleti, i Gasare Suale me Bereseba ma surigi na hinua sisite hagarangigi.

²⁸Ngaira ka ogasigi nikâ na hinua raha i Sikilaga, i Mekona henigi na hinua sisite hagarangia, i Ene Rimone, i Sora, i Jaramute, i Sanoaga, i Atulama henigi na hinua sisite hagarangia, i Lakisi ma igê na mako hagarangia, ma i Aseka henigi na hinua sisite hagarangia. Na agua ga oga igê ngekana ki haganega tenia i Bereseba i Negeve ki râ ki tariha igê na Maruguna i Hinome.

³¹Na raraha iana o Beniamino ka oga i Geba, i Mikimasi, i Aia, i Betele henigi na hinua sisite hagarangia, i Anatote, i Nobe, i Anania, i Hasore, i Rama, i Gitaimi, i Gatiti, i Seboimi, i Nebalata,

³⁵i Lote, i Ono ma igê na maruguna iata na enoni ga manisingenigi na tagarahiani na marâ ga bâkoro.

³⁶Ga atera tani na mane ni hagarahenga, ga oga i nago i Juta, ka oga i na apanena iata na raraha iana o Beniamino.