Read Kahua NEHEMIA 3 Bible Online

NEHEMIA 3 - Kahua bible

NEHEMIA 3

¹Ikê nga hanana ga tagarahia aporo na para ni hinua. O Eliasibi na mane ni vogasiha i teha henira na tamana na mane ni vogasiha ka tagarahia aporo na Maanipara Sipi, ka hagapua ma ka naka na purupuruna igê. Ngaira ka hagapua nikâ na apanena na para i guputerua na Bebetehe Mea ma na Bebetehe Gananele.

²Na ai ni Jeriko ka uruia na tagarahiana aporo na ruata na matena na para. O Sakure karena o Imiri kani igê na oruta na matena na para.

³Na hagosi ninuni iana o Sena ka tagarahia aporo na Maanipara Siare. Ngaira ka hagêrasigi na u na maanipara ma ka naka na purupuruna igê henigi na raburini tanga ga purusia re.

⁴O Meremote karena o Uria kani igê na matena na para, haganega tenia na Maanipara Siare. O virana ka no Hakosi. O Mesulama karena o Berekia kani ki uruia vê nogana ta matena na para. O virana ka na Mesesabele. O Satoke karena o Bana ki uruia vê nogana ta matena na para.

⁵Na ai ni Tekoa ka uruia vê nogata ta matena na para, henaka vi na meraha i hinua iata ka usi vige katogi na tagaraha, na mane ga bâsuria na tagarahiana aporo ga nakagi tangara.

⁶Ngairerua o Joiata karena o Paseaga ma o Mesulama karena o Besotia karu tagarahia aporo na Maanipara Bani. Ngairerua karu hagêrasigi na u na maanipara ma ka naka na purupuruna igê henigi na raburini tanga ga purusia re.

⁷O Melatia ni Gibeone, o Jatone ni Meromote ma na ai ni Gibeone ma ni Misipa ka uruia na tagarahiana aporo na para, ki râ ki tariha igê na ruma iana na manê i bâsuria na apanena bêso i Uparatesi.

⁸O Usiele karena o Garahaia ki uruia na tagarahiana aporo na para tenia i ngekana. Ngaia ki manisingenia ngavê na tagaraha renia na golo. O Ganania, i manisingenia na tagarahiana na oile i sigini koro, ngaia uruia na tagarahiana aporo na para ki râ ki tariha igê na Para Aberabera.

⁹O Repaia karena o Gure ki uruia na tagarahiana aporo na para tenia ngekana. Ngaia ki bâsuria ta agua na apanena i Jerusaleme.

¹⁰O Jetaia karena o Garumapa ki uruia na tagarahiana aporo na para hagarangia na ruma iana marena. O Gatusi karena o Gasabeneia ki uruia na tagarahiana aporo na para tenia i ngekana.

¹¹O Malakia karena o Garimi ma o Gasube karena o Pagata Moaba ngairerua karu uruia na tagarahiana aporo na para tenia i ngekana henia na Bebetehe Umu.

¹²O Salumu karena o Halogesi ma ngaira ka karena ka uruia na tagarahiana aporo na para tenia i ngekana. O Salumu ki bâsuria tagua na apanena i Jerusaleme.

¹³O Ganune ma na ai ni Sanoaga ka tagarahia aporo na Maanipara Maruguna henigi na purupuruna ma raburina tanga ga purusia re. Ngaira ka uruia na tagarahiana aporo na para, i 500 mita na borahusigana, ki râ ki tariha igê na Maanipara Roro.

¹⁴O Malakia karena o Rekaba ki tagarahia aporo na Maanipara Roro henigi na purupuruna ma na raburina tanga ga purusia renia. Ngaia ki bâsuria na apanena i Bete Hakereme.

¹⁵O Salumu karena o Kologose ki tagarahia aporo na Maanipara Vebanga henigi na gerina, na purupuruna ma na raburina. Ngaia o Salumu i bâsuria na apanena i Misipa, ki tagarahia aporo nikâ na para hagarangia na Nonganonga Siloaga, i avorana na mu ni mahe iana na maneraha, ki râ ki tariha igê na tavo uga bêvato tenia na Hinua iana o Tavite.

¹⁶O Negemia karena o Asabuku ki uruia na tagarahiana aporo na para ki râ ki tariha igê na Matikuna o Tavite, na nonganonga ma na ruma iata na mane ni me. O Negemia ki bâsuria ta agua na apanena i Bete Sure.

¹⁷Na mane ni hagarahenga ga uruia na tagarahiana aporo ta matena na para, kani igê. O Regumu karena o Bani ki uruia na tagarahiana aporo ta matena na para. O Gasabia, i bâsuria tagua na apanena i Keila, ki uruia na tagarahiana aporo ta matena na para, urusia tagua na apanena i Keile i bâsuria.

¹⁸O Binui karena o Genatata ki uruia na tagarahiana aporo ta matena na para. Ngaia ki bâsuria tagua na apanena i Keila.

¹⁹O Esera karena o Jesua ki uruia na tagarahiana aporo ta matena na para, i utumigana na ruma ni tangaruha, ki râ ki tariha igê na Ariruguna na para. O Esere ki bâsuria i Misipa.

²⁰O Barugu karena o Sabai ki uruia na tagarahiana aporo ta matena na para, ki râ ki tariha igê na teha i ruma iana o Eliasibi na mane ni vogasiha i teha.

²¹O Meremote karena o Uria ki uruia na tagarahiana aporo ta matena na para ki râ ki tariha i ta bogona na ruma iana o Eliasibi. O Virana o Meremote ka no Hakosi.

²²Na mane ni vogasiha ga uruia na tagarahiana aporo ta matena na para, kani igê. Na mane ni vogasiha tenigi na hinua rihia i Jerusaleme ka uruia na tagarahiana aporo ta matena na para.

²³O Beniamini ma o Gasube karu uruia na tagarahiana aporo ta matena na para i avorani na ruma iaterua. O Asaria karena o Maseia ki uruia na tagarahiana aporo ta matena na para i avorana na ruma iana. O virana ka no Anania.

²⁴O Binui karena o Genatata ki uruia na tagarahiana aporo ta matena na para, haganega tenia na ruma iana o Asaria ki râ ki tariha igê ta Ariruguna na para.

²⁵O Palale karena o Usai ki uruia na tagarahiana aporo ta matena na para, haganega tenia na Ariruguna na para ma tenia na bebetehe raha igê na ruma raha iana na maneraha, hagarangia na mahera iata na mane ni anumasiha.

²⁶O Petaia karena o Parosi henira na mane tagara i ruma ni rotu ga oga i Opele, ka aruia na tagarahiana aporo ta matena na para, ki râ ki tariha igê na Maanipara Ve bêkê ma igê na bebetehe i ngekana.

²⁷Nikâ na ai ni Tekoa ka uruia na tagarahiana aporo ta matena na para, haganega tenia na bebetehe raha ngekana ki râ ki tariha igê na para i Opele.

²⁸Na mane ni vogasiha ka uruia na tagarahiana aporo ta matena na para, haganega tenia na Maanipara Hosi. Na ara ni hitangita ki tagarahia aporo tagua na para i avorana na ruma iana marena.

²⁹O Satoke karena o Imere ki uruia na tagarahiana aporo ta matena na para i avorana na ruma iana marena. O Semaia karena o Sekania ki uruia na tagarahiana aporo ta matena na para. Ngaia ki anumasia na Maanipara Bêkê.

³⁰Nikâ o Ganania karena o Selemia ma o Ganune na onota o karena o Salapa karu uruia na tagarahiana aporo ta matena na para. O Mesulama karena o Berekia ki uruia na tagarahiana aporo ta matena na para i avorana na ruma iana marena.

³¹O Malakia ki uruia na tagarahiana aporo ta matena na para ki râ ki tariha igê na ruma iata na mane tagara i ruma ni rotu ma na mane ni hohoronga i avorana na Maanipara Anumasiha ma igê na ruma i ahaha na ariruguna na para bêkê. O Malakia ki manisingenia ngavê na tagaraha renia na golo.

³²Na mane ga manisingenia na tagaraha renia na golo ma na mane ni hohoronga ka tagarahia aporo na matena hagemuri tatare na para, haganega tenia na ruma ngekana i ahaha na ariruguna na para ki râ ki tariha igê na Maanipara Sipi.