Read Kahua NEHEMIA 7 Bible Online

NEHEMIA 7 - Kahua bible

NEHEMIA 7

¹Hoita, na para ni hinua ma na maani para ka uhu. Na me ni anumasiha ni ruma ni rotu, na haku tanga na kiha tanga na hagarahenga ma na mane ni hagarahenga getera ka têgi na tagaraha iata.

²Inê kê nakarerua na mane gi rua, karu bâsuria na hinua i Jerusaleme. Ngairerua ka no Ganani o vesiku ma o Ganania, i bêngenira na mane ni me igê na ruma nganganihaga. I mareha rârâ ta na enoni vige hagahigasia manga o Ganania. Ngaia ka na mane ga girara ga hagêguritogo renia tare.

³Inê kê bonasirerua, kê vi: “Muru tangahigi nga na maani para ni hinua i Jerusaleme igê na matena i tangitangi bâkoro ma kamuru purusigi ma kamuru raburigi hagenago tarata na mane ni anumasiha ga mamaro tenia na tagaraha iata igê na manurahitana. Nikâ muru atera i berarogata na enoni ga oga i Jerusaleme, na mane ka mane ni anumasiha. Tani kamuru kasira ka bâbâsurigi na atohata ga ura igê, ma kamuru kasira nikâ tani ka arâ bâbâ rihuigi na ruma iata.”

⁴I Jerusaleme ki na hinua raha, ma ka pe rako igê na enoni ma na ruma ka pe koro nikâ igê.

⁵God ki hagatakusiê, kê hagahakura na enoni ma na enoni raha iata ma na ani ga bâsurira na enoni ma kê bâsigi na apaparaha iata na ara ni ahemata iata. Inê kê tarahugi na raraha iata na enoni ga aporo me hagenago tenia na agua ga henahuraura tanga. Inê kê tarahua i manga ikê.

⁶Rako na enoni ga bani henahuraura tanga na apanena i Babilone, ngaira ka bani aporo tanga i Jerusaleme me Juta, tangagi na hinua iata hegitigi. Na apaparaha iata ka oga hagenago i Babilonia haganega tenia na matena na maneraha o Nebukanesare ki bani henahuraura igê tanga i ngekana.

⁷Na mane ga bêngenira kani igê: o Serubabele, o Jesua, o Negemia, o Asaria, o Ramia, o Nagamani, o Morotekai, o Bilisane, o Misipereti, o Bigivai, o Negumu ma o Bana.

⁸Igê ka na hagosi ninuni iata na Isiraelita ma gi hita tenia na ara ni hagosi ninuni iata, ga aporo me tenia i Babilonia. Tenia na hagosi ninuni iana o Parosi ki - 2172. Tenia na hagosi ninuni iana o Sepatia ki - 372. Tenia na hagosi ninuni iana o Araga ki - 652. Tenia na hagosi ninuni iana o Pagata Moaba na raraha iaterua hegitigi o Jesua ma o Joaba ki - 2818. Tenia na hagosi ninuni iana o Elama ki - 1254. Tenia na hagosi ninuni iana o Satu ki - 845. Tenia na hagosi ninuni iana o Sakai ki - 760. Tenia na hagosi ninuni iana o Binui ki - 648. Tenia na hagosi ninuni iana o Bebai ki - 628. Tenia na hagosi ninuni iana o Asagata ki - 2322. Tenia na hagosi ninuni iana o Atonikama ki - 667. Tenia na hagosi ninuni iana o Bigivai ki - 2067. Tenia na hagosi ninuni iana o Atini ki - 655. Tenia na hagosi ninuni iana o Atere, ga hêtana nikâ vi o Gisikia ki - 98. Tenia na hagosi ninuni iana o Gasumu ki - 328. Tenia na hagosi ninuni iana o B(...)

²⁶Ga aporo me tenia i Babilonia na enoni na êvarita ga oga i nago i hinua igê: i Beteleheme me Netopa ki - 188, i Anatote ki - 128, i Bete Asamavete ki - 42, i Kiriata Jearimi, i Kepira me Berote ki - 743, i Rama me Geba ki - 621, i Mikimasi ki - 122, i Betele me Ai ki - 123, tani i Nebo ki - 52, tani i Elama ki - 1254, i Garimi ki - 320, i Jeriko ki - 345, i Lote, i Gatiti me Ono ki - 721, i Sena ki - 3930.

³⁹Na hagosi ninuni iata hehegitigi na mane ni vogasiha, ga aporo me tenia i Babilonia, kani igê: na hagosi ninuni iana o Jetaia na raraha iana o Jesua ki - 973, na hagosi ninuni iana o Imere ki - 1052, na hagosi ninuni iana o Pasure ki - 1247, na hagosi ninuni iana o Garimi ki - 1017.

⁴³Na hagosi ninuni iata hehegitigi na mane ni hagarahenga ga aporo me kani igê: na hagosi ninuni iata hehegitigi o Jesua, o Katamiele, o Binui ma o Hotavia ki 74, na mane ni kiha i ruma ni rotu tenia na hagosi ninuni iana o Asapa ki 128, na mane ni anumasiana na ruma ni rotu tenigi na hagosi ninuni iata hehegitigi o Salumu, o Atere, o Talamone, o Akube, o Gatita ma o Sobai ki 138.

⁴⁶Na hagosi ninuni iata hehegitigi na mane ni tagara i ruma ni rotu ga aporo me, kani igê: Na hagosi ninuni iata hehegitigi o Siga, o Gasupa ma o Tabaote, na hagosi ninuni iata hehegitigi o Kerosi, o Sia ma o Patone, na hagosi ninuni iata hehegitigi o Lebana, o Gagaba ma o Salamai, na hagosi ninuni iata hehegitigi o Ganane, o Gitele ma o Gagare, na hagosi ninuni iata hehegitigi o Reaia, o Resini ma o Nekota na hagosi ninuni iata hehegitigi o Gasama, o Usa ma o Paseaga, na hagosi ninuni iata hehegitigi o Besai, o Meunimi ma o Nepusimi, na hagosi ninuni iata hehegitigi o Bakabuke, o Gakupa ma o Garagure, na hagosi ninuni iata hehegitigi o Basaliti, o Megita ma o Garasa, na hagosi ninuni iata hehegitigi o Barakosi, o Sisera ma o Temaga, na hagosi ninuni iaterua hegitigi o Nesiaga ma o Gatipa.

⁵⁷Na hagosi ninuni iata hehegitigi na kare vurivuri iana o Salomo kani igê: na hagosi ninuni iata hehegitigi o Sotai, o Sopereti ma o Perita, na hagosi ninuni iata hehegitigi o Jala, o Tarakone ma o Gitele, na hagosi ninuni iata hehegitigi o Sepatia, o Gatile, o Pokereti Hasebaimi ma o Amone.

⁶⁰Ngaira hato haku na mane tagara i ruma ni rotu ma na kare vurivuri ga aporo me tenia i Babilonia ka 392.

⁶¹Na 642 na enoni tenigi na hagosi ninuni iata hehegitigi o Telaia o Tobia ma o Nekota ka aporo me tenigi na hinua i Tele Melaga, i Tele Garasa, i Kerube, i Atone ma i Imere. Ngaira ki asa vige hagatanga monari renira na apaparaha iata hehegitigi vi ngaira ka na Isiraelita monari.

⁶³Tani na mane ni vogasiha ka pe nahunigi nogata na pepa ni apaparaha, hanana vige hagatanga monari renira na apaparaha iata hehegitigi, vi ngaira ka mane ni vogasiha monari. Ngaira ka na raraha iata hehegitigi o Gobaia, o Hakosi ma o Barasilai. O Barasilai ki êragia na gete tenia na hagosi ninuni iana o Barasilai ni Gileata ma ki torea na atana o hungâna. Suria ngaira ki asa, vige hagatanga monari, vi o ti ka na êvarita, tahema ki apu tangara vige tagara mangara na mane ni vogasiha. Na mane i marungira na Siu ki vi pusira, vi siana ka ngaugi na ngêra ni vogasiha tanga God mataro me na matena na mane ni vogasiha ki girara bâkoro igê na hê ni girarasiha na Urimi ma na Tumimi.

⁶⁶Ngaira hato haku na enoni ga aporo me tenia i Babilonia ka 42,360. Ga pe tomanira henira na 7337 na kare vurivuri, na mane ma na gete, ma na 245 na enoni ni kiha, na mane ma na gete. Na hosi iata ka 736. Na tonki ka 245. Na kamelo ka 435 ma na tonki ni toraha ka 6,720.

⁷⁰Rako na enoni ka hetamani tanga na tagarahiana aporo na ruma ni rotu. Ngaira kani igê: na gavumane ki mahatangenigi na 54 kilo na golo, na 50 na apira ni hagarahenga ma na 530 na tuguni ni mane ni vogasiha; na bêni na hagosi ninuni ka mahatangenigi na 675 kilo na golo ma na 6430 kilo na siliva; na ani getera na enoni ka mahatangenigi na 675 kilo na golo, na 5845 kilo na siliva ma na 67 na tuguni ni mane ni vogasiha.

⁷³Na mane ni vogasiha ma ni hagarahenga, na mane ni anumasiana na ruma ni rotu, na enoni ni kiha ma rako na ani mavê na enoni ma na mane tagara i ruma ni rotu, i vi vi na Isiraelita hato, ngaira ka ogasigi na hinua na ani raha ma na ani sisite i Juta.