Read Kahua JOBE 17 Bible Online

JOBE 17 - Kahua bible

JOBE 17

¹Na mêriha iaku ki sugi hato. Inê ki bara tangê ve manavaso. Na enoni ga oparia na kiru tangê ka râ me noga.

²Na enoni hato ka meêmarabe ngavê. Ma ki bara vi ve kato hega?

³God, inê kê pe hagaparu. Gu tongesuria na tamasinga iaku. I mareha rârâ ta na enoni, nga noga ma igo kanigo girara go tamaniê igê na tamasinga.

⁴Igo ko purusigi na aitangihata, hanana siana ka girara. Siana ko nakara ka tehariê.

⁵Na enoni ka hagabarea vi, na enoni ki hagabekasia na tamana koro, suria i vanasia na haga tanga so marena ma na karena ka page mamasiaga renia.

⁶Na enoni ka mehagau na ataku. Ngaira ka musuria na maaku.

⁷Na maaku karu hagani puru taku, suria gê mamasiaga ma kê angi. Na apeku hagenani na suriku ma.

⁸Na enoni ga vi, vi ngaira ka koro, ngaira ka gasuga reniê ma ka visiê, vi inê kê pe toto suria God.

⁹Ngaira ka vi, vi ngaira ki oto na parongata ma ka matarotaro. Ma na tarana ngekana ki hagaramonira.

¹⁰Hoita, igamu, mu râ me kamu takeê renigi na tamasinga iami. Inê kê bani girara, vi i mareha rârâ na hitangimi, vige tako mataha.

¹¹Na matena iaku ki hato noga. Na katoha iaku ka pe akê me. Inê kê tako mareha vê.

¹²Na tamaku koro ka uhungia viga katoê, kê tongesuria vi na bungiana ki na tangiana ma ki sugia ma vige tangi. Ma inê kê girara, vi inê kê gâga tarema igê na roto.

¹³Inê kê naasia ma na agua ga oga igê na enoni ga bani me. Ma i ngekana, igê na mengo, inê kê obania, vigê tâtâ igê na banaku.

¹⁴Na anoanoku kê page hêtana vi o vaemaku ma na maama ga ngauê kê page hêtata vi kenaku ma kesiku.

¹⁵Na raronitogoha tangê? Ti kani bâsia?

¹⁶Na marâ gê naasigi ka page soso heniê igê na anoanoku. Ngaigi ki page arâ suriê igê na agua ga oga igê na enoni ga bani me.”