Read Kahua JOBE 23 Bible Online

JOBE 23 - Kahua bible

JOBE 23

¹O Jobe ki arami, ki vi:

²“Henaka, ma inê kê usitenigi mênga na tauhana God tangê. Inê kê ama ni hagagege nga tanga God, suria gê mamasiaga kê gegege.

³Manga vi inê ma be girara vi ve tarahua God, manga vi inê ma be girara vi ve arâ i pasina,

⁴vikê inê be hagarongoa renia na tarana i tarahuê ma be ramatenia na apanena iaku tanga.

⁵Inê kê obania ve girara, na ta ki page visia me. Inê kê obania ve girara na aramiha iana tangê.

⁶I hega, God ki page meêhetuguri vari igê na ramoha raha teha iana? Mareha. Ngaia ki page karinga ma, matena gê tamasi.

⁷Inê kê pe hagaparu. Inê kê girara gê ramatenia tanga vi inê kê matarotaro. Ma ngaia ki page visiê, vi inê kê pe erasia rârâ ta na marâ.

⁸Inê kê bâbâ tanga God i kerekê ma kê pe tarahua i ngekana. Inê kê bâbâ tanga i kereso, ma kê pe bâsia i ngekana.

⁹Inê kê bâbâ tanga i kere ataha ma kê pe bâsia igê. Inê kê bâbâ tanga i kerebanu ma ki mareha nikâ igê.

¹⁰Henaka, ma God ki girara susuriê. Manga vi ngaia ma ki uhungiê manga na golo igê na gi, ngaia ke page tarahua, vi inê kê matarotaro manga na golo taranina.

¹¹Inê kê harisuria na ta i râ igê. Inê ki asa be arâ ahaharê.

¹²Inê kê arâ surigi tare na ramata iana ma kê nakagi na tamasinga iana igê na aitangihaku.

¹³Ngaia ki nahuni ramoha. Ti ki girara i rêra barasia? Na ta ki obania, ngaia ki katoa.

¹⁴Ngaia ki page hagamonaria na katoha iana tangê. Ngaia ki na ani gi tage na hitangini na katoha iana.

¹⁵Inê kê magu vi ve ura i maana. Matena gê takusia râ vikana, inê kê bani tatata tatara.

¹⁶God raramohaga hunia ki hagamêguê. Ngaia ki katoê kê tako tugupu ngavê.

¹⁷God ki hagamagusiê, mareha vi na mengo, naka ma na mengo i rotosia na maaku.