Read Kahua JOBE 3 Bible Online

JOBE 3 - Kahua bible

JOBE 3

¹Ki rârâ ma o Jobe ki kahu tamasi ma ki hagahunia marena i vora me, ki vi:

²“God, ge mareha vê na tangiana gê vora me igê. Ge mareha vê na bungiana kenaku i atuingeniê igê.

⁴Na tangiana ngekana ke roto hono ngavê. God, gu bonotenia ngavê na tangiana ngekana. Ge magahuru vê na mavetana ngekana.

⁵Ge vora re na tangiana ni eraha ma ni mengo. Ge raho ma ke pinihia ma arito.

⁶Gu ahunia râ na bungiana ngekana. Tavoa hura tenia na harisi. Siana ko tomania banu me nikâ.

⁷Ge gomara na bungiana ngekana. Ke mareha rârâ igê na vagevageha.

⁸Gu bonasira na mane ni girarasiha, ku vi: Mu tê erasia ngavê na tangiana ngekana, igamu mu hagamanata na ega Leviatane.

⁹Siana ki akê me na higu ni tangi, hanana na bungiana ke naasia hagaborâ na matena i raboa igê na arito.

¹⁰Tê erasia ngavê na bungiana gê vora me igê, suria i nakê igê na mamasiaganiha.

¹¹I arari ma vi ve bani me i obana kenaku. Gê gahanita ma kanigê vora me.

¹²Tanu hega kenaku ki tarupeê? Tanu hega ngaia ki hagasusuê?

¹³Manga ve me i ngekana, vikê be mamaro i ngekê

¹⁴mangara na maneraha ma na enoni ni ramoha ga tagarahigi na ruma raha ni matiku,

¹⁵mangara o kareta na maneraha ga hagavunusigi na ruma ni matiku iata renigi rako na golo ma na siliva

¹⁶se manga na kare i vora me se manga na kare ga hagasiria.

¹⁷I rarona na anoano na enoni era ki hato vige bagatauhata ma na enoni ga hatamigi na tagaraha ka mamaro tare ngavê igê.

¹⁸I ngekana na enoni ga hagatotongohira ka vagevage igê na marapeha. I hato vige hagamamasiagara.

¹⁹Ngaira hato ka oga i ngekana na enoni raha ma na enoni purua. Na kare rakuraku ka asitatara tare ngavê.

²⁰Tanu hega God kani nakara na enoni ni mamasiaganiha ma na ani i rugurugu bâraha na obata ka ama ni mauri nga?

²¹Ngaira ka naasia viga meme. Ma ki asa. Ngaira ka pe obania vige ruruguha ma ka oparigi hete na anoanota mareta.

²²Ngaira ki asa vige vagevage rârâ mataro me ka meme ma ka gâga igê na anoanota.

²³Tanu hega kaniga ama ni mauri nga, manga vi i na murina ma ki pe korokoro tangara nikâ? God ki hagapepera tenigi na ara ni agua.

²⁴Vigê ngêngê hete ma kanigê gegege ma ma kê ama ni gegege nga ma.

²⁵Na ara ni marâ gê magutenigi ma kê bubununuga renigi ka tarahuê.

²⁶Na aitangihaku ki asa vige marape ma ki pe hatara na aitangihaku. Rako na tarani gê takoha bâraha renigi.