Read Kahua KI 101 Bible Online

KI 101 - Kahua bible

KI 101

¹[៨៦] Na ki iaku ki râ surigi na totosuriha ma na otoha. Inê kê kiria na ki ngekê tangago, Araha.

²Inê be paronga matarotaro. I na keta ko page arâ me i pasiku? Inê be mauri koro ma be oto i pasiku

³ma be ngaritenigi hagetage na eraha. Inê be marakorotenigi hagetage na tauhata na enoni, ga murisigea God, ma be tora geteê ngavê tenira.

⁴Inê ki asa be hagahagaparu ma be tora geteê hagetage tenira na enoni era.

⁵Inê be nahuia ngavê na ani ma na enoni, i tamasi erasia pinihi na enoni getea. Inê be usitenira na enoni, ga heruhiruhi ma ka paroparo.

⁶Inê be korokoro tangara na enoni, ga tari surigo, God iaku, ma be hagamarumungenira, ke oga i pasiku. Na enoni, ga matarotaro hagetage na tauhata, inê be hagamarumungenira, ke tagara tangê.

⁷Ma na enoni ni hagaparunga ki asa, vige oga i pasiku ma nikâ na ani ga bagasusuka.

⁸I na ara ni tangiani inê be hagaitangira ngavê na enoni era i pasimami. Inê be paira hura na enoni era hato tenia na hinua raha iamu, Araha.