Read Kahua KI 108 Bible Online

KI 108 - Kahua bible

KI 108

¹[៨៩] God, inê kê hagêguri togo ngavê renigo. Inê be kirigo ma be hagarahasigo, ma be vagevage.

²Inê be tarugigi na gita na ma ukelele iaku, ma be hagaritea na arito.

³Araha, inê be visigo koro ma be kirigo i pasita na enoni, ga hitenigo.

⁴Na takuiha tarema iamu ki raha teharia na vavearo. Na monariha iamu ki raha teharia na bevoa i haha.

⁵God, gu hagabângenigi na bâbâhamu raha i vavearo ma na raramohamu raha i ano hagenani.

⁶Gu hagatahigami renia na raramohamu raha. Gu aganaria na nunginungi iaku, hanana na kariamu hetakui ka tahitahi.

⁷I ruma ni rotu God ki bani tamasi, ki vi: “Inê kê teha ma be tonganira na kariaku renirerua Sekemi ma na maruguna i Suko.

⁸Gileata ma Manase ka na aniku. Eperemo ki manga na bêata iaku, ma Juta ki na raramohaku.

⁹Moaba ki manga na apira ni tanani rima iaku. Inê be barutukia Etome, suria ki na aniku. Inê be ngerengere, suria gê teharira na ai ni Pilisitia.”

¹⁰God, ti ki page bêngeniê tanga na hinua raha, ga panga na panga raha nganganihaga rihia? Ti ki page bêngeniê tanga i Etome?

¹¹Monari, vi igo ko bani kasi renigami vari? Igo ko pe tage râ vari henira na ruruha na mane ni me iamami?

¹²Gu tamanigami tenira na merongamami, suria na enoni ki pe araria, vige tamanigami.

¹³Manga igo, God, ma ku tamanigami, igami kami page tehateha, ma igo ko page teharira na merongamami.