Read Kahua KI 11 Bible Online

KI 11 - Kahua bible

KI 11

¹[៨] Inê kê hagêguri togo renia na Araha, suria ngaia ki anumasiê tare. Renia ta ko tamasi bekabekaga tangê? Ko vi: “Gu gava tange na hungani. Gu gaha vê manga na manu.

²Suria na enoni erataga ka bani rohegi na epage iata. Ngaira ka bani hagêrasigi na mage iata igê na varoni na epage. Ngaira ka migiahi igê na agua pinihi, hanana ga hanasira na enoni koro.

³Manga na enoni, ma ka oga purupuru renigi na ramata, na ta ka page tanua na enoni koro?”

⁴Na Araha ki goga i na ruma apuna iana. God ki oga so igê na atohana. Ngaia ki hahutugira na enoni i na ara ni agua hato. Ngaia ki giraragi na ara ni marâ hato, ga tanugi na enoni.

⁵Ngaia ki girarara na ani ta ka koro ma na ani ta ka era. I mêrihana hagenani ngaia ki ruhira ngavê na enoni, ga aharê igê na ramata.

⁶Ngaia ki kasi na gi ma na hê karekare ni sivi hurira na enoni, ga era. Ngaia ki hagaitangira renia na bababana na gi.

⁷Na Araha ki oto ma ki obania na otoha. Na enoni, ga koro ma oto, ka page mauri i pasina.