Read Kahua KI 110 Bible Online

KI 110 - Kahua bible

KI 110

¹[៩១] Na Araha ki vi tanga na maneraha iaku: “Gu oga so i otoku, be vatego na arahanga, ma be nakago, ku êguga renira na merongamu.”

²Tenia i Sione na Araha ki page tokorenia rârâ na arahanga iamu ma ko page marungira na merongamu.

³Na tangiana, go meraheariha igê na merongamu, na kariamu ka page uranigo. Na mane haoru ka page takugo. Ngaira ka tuguni bâkoro ma ka togatoga, manga na korupu igê na mahogotana.

⁴Na Araha ki bani tohe, ma ki page hagamonaria na tohenga iana. “Igo ko mane ni hagarahenga tare, ki bê ki arâ, igê na tarana manga o Melekiseteki.”

⁵Na Araha ki tamanigo. Ngaia ki page teharira na maneraha, i na matena i mangariaga igê.

⁶Ngaia ki page surira na enoni hato i maveta. Na gahuata ka manasia. Ngaia ki page kamarigi na bêta na maneraha i maveta hagenani.

⁷Ma na maneraha ki page tonomia na ve oto i na akerena na tara. Vikê ngaia ki page ramoramo ma ki page tehateha.