Read Kahua KI 111 Bible Online

KI 111 - Kahua bible

KI 111

¹Hagarahasia na Araha! I mêrihaku hagenani inê be visia koro na Araha igê na hagarahenga iata na kariana.

²Na tagaraha iana na Araha ka teha ngavê! Na enoni, ga vagevagesigi, ka obania, viga tahe tara renigi.

³Na tagaraha iana ka hagahigasia, ma ka hagabângenia na bâbâhana raha. Na otohana ki oga tare ma tarema.

⁴Na Araha ki hagatakusigia tare renigi na mena iana. Ngaia ki korokoro tangagia ma ki takuigia.

⁵Ngaia ki hagangêra na enoni, ga rahesia, ma ki asa, vige bonotenia na suruheri iana henira.

⁶Ngaia ki bani hagabângenia na raramohana tangara na kariana, suria i haganahunira renigi na mako iata na enoni getera.

⁷Na tagaraha iana ka hagabângenia, vi ngaia ki hagamonarigi tare na tamasinga iana, ma ki oto na tauhana. Tahema igia ka girara, ga hagêguri togo renigi na ramata iana.

⁸Ngaigi ki goga tare ma tarema. Ngaigi ki monari ma ki oto.

⁹Ngaia ki hagatahira na kariana. Na suruheri iana henira ki oga tare ma tarema. Na Araha ki raramohaga hunia. Ki tuguhira na enoni hato, ge rahesia.

¹⁰Na hunana na takotako mataha ngaia ki na rahesiana na Araha. Renia na enoni hato, ga marupegi na ramata iana, ka takotako mataha. Na enoni hato ki tuguhira, viga hagarahasia na Araha tare ma tarema.