Read Kahua KI 112 Bible Online

KI 112 - Kahua bible

KI 112

¹Hagarahasia na Araha! I babarisi na enoni, i tê viteana na Araha, ma ki vagevagesigi na ramata iana.

²Na enoni ka page hagahigasira na karena na enoni koro, ma na raraha iana ka page nahunia na ramana.

³Ka ama ni rakorako nga i pasina na ruruguha ma na nahuninga, suria ngaia ki râ tare suria na otoha.

⁴Igê na roto hono na Araha ki mavesia na enoni koro, suria ngaia ki nganganihaga igê na takuiha ma igê na koroha ma na otoha.

⁵Ngaia ki babarisi, suria i pe turia na varahana raha na hagaba tenia, ma na tagaraha ni haga iana ki oto.

⁶Na enoni koro ki asa, vige votavota. Na enoni ki asa iata, vige pe bonotenia, vi ngaia ki na enoni koro.

⁷Ngaia ki pe gagêmaga renigi na rongoha era, suria i nganganihaga igê na tongesuriha, ma ki hagêguri togo renia na Araha.

⁸Ngaia ki pe anumanuma se vige magu, suria ngaia ki girara, vi page teharira na merongana.

⁹Ngaia ki mamahata tangara na enoni matareha. Na korohana ki asa, vige page hato. Ma na enoni ka ama ni hagahigasia nga.

¹⁰Na enoni era ka bâsia na tarana ngekê ma ka mangariaga. Ngaira ka kurukuru rivo ma ka hagaramo, ma na katoha iata ka magahuru ma vê hagetage.