Read Kahua KI 113 Bible Online

KI 113 - Kahua bible

KI 113

¹Hagarahasia na Araha! Igamu na kariana na Araha, mu hagarahasia na atana.

²Ge hagarahasia na atana na Araha i ngekê, ma tare, ki bê ki arâ.

³Igamu kerekê ma kereso, mu hagarahasia na atana na Araha.

⁴Na Araha ki marungira na enoni hato i maveta. Na raramohana ki raha teharia na vavearo.

⁵Ti ki maratorana na Araha God iaka? Ngaia ki oga igê na atohana i haha.

⁶Ngaia ki sira bê vato, hanana i hahutugirerua na vavearo ma na ano.

⁷Ngaia ki ragera akê na enoni matareha ma baguru tenigi na mamasiaganiha iata.

⁸Ngaia ki kasira akê henira na maneraha, ma na kariana ka hagahigasira.

⁹Ngaia ki hagakoro obana na gete, i gomara, suria i kato, ki apara kare ma ki vagevagesira. Hagarahasia na Araha!