Read Kahua KI 114 Bible Online

KI 114 - Kahua bible

KI 114

¹Na Isiraelita ka hura tenia i Esipito, ma na raraha iana o Jakobo ka hura tenia na agua, ga mamahuara igê.

²I ngekana na Araha ki atera o Juta ma na raraha iana, ka vora na kariana apuna, ma ngaia ki marungia i Isiraele.

³Na Asi Memera ki bâ ma ki gava. Na ve i Jotano ki sugare.

⁴Na barani ka kapekape mangara na goti. Na hungani ka rekereke mangara na kareta na sipi.

⁵Asi, na ta ki katogo ko gava? Migo, Jotano, renia ta ko sugare?

⁶Igamu na barani, tanu hega mu kapekape mangara na goti? Megamu na hungani, tanu hega mu rekereke mangara na kareta na sipi?

⁷Maveta, gu gisigisi i maana na Araha, i maana God o Jakobo ki rahesia.

⁸Renia ngaia ki katoa na verake, ki vora na rano ma na parisihê ka vora na ve banga, ga gogogo bâkoro.