Read Kahua KI 115 Bible Online

KI 115 - Kahua bible

KI 115

¹Araha, siana ko hagarahasigami igami! Gu hagarahasia hete na atamu maremu renigi na takuiha tarema ma na monariha iamu.

²Renia ta na enoni getera ka hagategia, ka vivi: “I he ngaia nga na God iami?”

³Na God iaka ki goga i pasina. Ngaia ki tanugi na ani ma vê na marâ, i obanigi.

⁴Na ataro iata ka na nununi na marâ, na enoni ka tagarahigi renigi na siliva ma na golo.

⁵Ngaira ka tonga na harata, ma ki asa, vige tamasi. Ngaira ka tonga na maata, ma ki asa, vige bâbâ.

⁶Ngaira ka tonga na karingata, ma ki asa, vige rongorongo. Ngaira ka tonga na barisuta, ma ki asa, vige sigini

⁷Ngaira ka tonga na rimata, ma ki asa, vige hatahata. Ngaira ka tonga na êgata, ma ki asa, vige arârâ. Ngaira ka tonga na riota, ma ki mareha na ringeta.

⁸I ararira, vi na enoni hato, ga tagarahira ma ka hagarapera, ke usurira na ataro iata ngegana.

⁹Igamu na Isiraelita, mu hagarapea na Araha. Ngaia ki tamanigamu ma ki anumasigamu.

¹⁰Igamu na mane ni hagarahenga iana God iaka, mu hagarapea na Araha. Ngaia ki tamanigamu ma ki anumasigamu.

¹¹Igamu hato na enoni, mu rahesia God iaka, mu hagarapea na Araha. Ngaia ki tamanigamu ma ki anumasigamu.

¹²Na Araha ki takusigia tare ma ki ama ni korokoro nga tangagia. Ngaia ki korokoro tangara na Isiraelita, ma tangara na mane hato ni hagarahenga iana God na Araha.

¹³Ngaia ki korokoro tangara na ara ni enoni, ga rahesia, naka ma na enoni raha ma na enoni purua.

¹⁴Na Araha ke hagarakonigamu, na ahemata iami ma na anita na karemi.

¹⁵Ge korokoro tangagamu na Araha, i hagavorarerua na vavearo ma na ano.

¹⁶Ngaia getea ma na Araha ki na avanuna na matava, ma na maveta i vatea tangara na enoni.

¹⁷Na enoni, ga bani me, ki asa, vige hagarahasia na Araha, se na ani, ga râ igê na agua iata na enoni, ga bani magahuru.

¹⁸Ma igia hete ka visia koro i ngekê, ki bê ki arâ. Ge hagarahasia na Araha.