Read Kahua KI 116 Bible Online

KI 116 - Kahua bible

KI 116

¹Inê kê takuia na Araha, suria i rongoê ma ki aganaria na nunginungi iaku.

²Ngaia ki aganariê na ara ni matena gê avarasia.

³Inê kê oga i rarona na mera. Na eraha na matahu ki haga ni tarahuê, ma inê kê magu ma kê anumanuma.

⁴Tahema inê kê avarasia na Araha, kê vi: “Inê kê avarasigo, Araha. Gu hagatahiê!”

⁵Na Araha ki koro ma ki teha i pasina na takuiha. Na God iaka ki merahetaki na enoni.

⁶Na Araha ki anumasira na enoni, i bara tangara. Matena gê haga ni me, ngaia ki hagatahiê.

⁷I pe arari, ve anumanuma, suria na Araha ki bani koro tangê.

⁸Na Araha ki hagatahiê tenia na mera. Ngaia ki hagamuniê, ma ki urapusiê, kê pe tâ i ano.

⁹Tahema inê kê goga mênga i maana na Araha, i pasita na enoni, ga mauri.

¹⁰Inê kê ama ni hagêguri togo nga, naka ma inê kê vi, vigê bagahagêguri ngavê.

¹¹Inê kê ama ni hagêguri togo nga, naka ma matena gê magu ma kê vivi inê: “I asa, be tongesuria o ti?”

¹²Manga i he kê barugi tanga na Araha na mahatanga raha iana tangê?

¹³Inê be vogasia na Araha renia na vaini, hanana gê visia koro, suria i hagatahiê.

¹⁴Igê na hagarahenga iata na kariana hato inê be hagamonaria na suruha iaku ngekê.

¹⁵Na marâ raha tanga na Araha ki na memeta iana na kariana.

¹⁶Araha, inê ki na kariamu suria na tauhana na kenaku. Igo ko bani hagatahiê tenia na mera.

¹⁷Inê be vogasigo, be visigo koro, ma be rahesigo, Araha.

¹⁸Inê be hagamonaria na suruha iaku, matena ga hagarahe haku na kariamu hato.

¹⁹Inê be hagamonaria i Ruma ni Rotu iamu i Jerusaleme. Ge hagarahasia na Araha!