Read Kahua KI 12 Bible Online

KI 12 - Kahua bible

KI 12

¹[៩] Araha, gu tamanigami, suria na enoni hato ka erataga. I mareha rârâ ta ani, vige koro i berarogata na enoni.

²Ngaira hato ka hagahagaparura heri, ka nakanaka bêta, ma ka hagahagabekasira heri.

³Araha, gu retegi râ na meata na ani, ga hagahagaparu. Gu katora, ke muni so na enoni, ga tamasi paroparo.

⁴Suria ngaira ka vi: “Igami kami teha renigi na tamasinga iamami. Na enoni ka gahe surigi na tamasinga iamami. O ti ki hagabungigami? Mareha!”

⁵Ma ki vi na Araha: “I ngekê ki na matena iaku. Suria ga hagaerasira na enoni matareha, ma ka katora, ka hagagegege. Inê be hagatahira na enoni matareha, ma be aganarigi na nunginungi iata.”

⁶Na Araha ki hagamonarigi tare na suruha iana. Ga monari ngavê na tamasinga iana, ga hagêguri togo renigi tare.

⁷Igo, Araha, gu bâsurigami, ma ku anumasigami tare tenira na enoni era ngegana.

⁸Suria na enoni era ka gamorahigami, ma ki ama ni raramohaga nga na eraha.