Read Kahua KI 121 Bible Online

KI 121 - Kahua bible

KI 121

¹Inê kê bâ kê i na hungani. Ti ki page tamaniê?

²Ki tamaniê na Araha, i hagavorarerua na vavearo ma na ano.

³Ngaia ki pe obanigo, vigu tapasu ma ku votavota. I asa iana, vige mauru, suria ngaia ki anumasigo.

⁴I asa iana, vige mauru agâga se mauru bore, suria ngaia ki anumasira na Isiraelita.

⁵Na Araha ki marupego, ma ki ngahisigo manga na nunumu maremu.

⁶I asa na arito, vige nahuigo surigi na tangiani, se vi na hageha surigi na bungiani.

⁷Na Araha ki page anumasigo tenigi na eraha hato. Ngaia ki page marupea na mauriha iamu.

⁸Ngaia ki page anumasigo, matena go arâ ma na matena go aporo me, tare, ki bê ki arâ.