Read Kahua KI 122 Bible Online

KI 122 - Kahua bible

KI 122

¹[៩២] Inê kê vagevage, matena ga vi tangê, ka vi: “Ge râ tanga na ruma iana na Araha.”

²I ngekê igia ka ata i rarona Jerusaleme!

³Jerusaleme ki na hinua raha teha. Ngaia ki nganganihaga ma ki bâkoro era.

⁴Ngaia ki na hinua, ga hakuhaku igê na raraha, na raraha iata o karena Isiraele. Ngaira ka hakuhaku me igê, hanana ga visia koro na Araha suria na ramata, i vatera.

⁵Na maneraha iata na Isiraelita ka surira igê na kariata.

⁶Ge nungia God renia na marapeha tanga Jerusaleme. “Araha, gu votoa na ramana tangara na enoni, ga barigia.

⁷Gu votoa na marapeha tangara na kare i ngekana, hanana ga apeape tatara i ruma nganganihaga igê.”

⁸Renira na goaku ma na tamaku inê kê nungia na Araha, ki votoa na marapeha tangago, Jerusaleme.

⁹Renia na ruma iana na Araha God iaka inê kê nungia, ki vatego na ramana.