Read Kahua KI 129 Bible Online

KI 129 - Kahua bible

KI 129

¹Isiraele, gu visia me tangagami, manga i he na merongamu ka merongasigo, haganega tenia na matena go sisite.

²“Hagenaga tenia na matena gê sisite, na merongaku ka merongasiê ngavê, ma ki asa iata, vige tehariê.

³Ngaira ka hagamamaria bâraha na geriku, ma ka taritaria.

⁴Ma na Araha, i oto tare na tauhana, ngaia ki rupasiê ma ki hagatahiê tenira.”

⁵Ge maki ma ke gava na enoni hato, ga merongasia Sione.

⁶Ngaira hato ke mangagi na go igê na gerina na ruma. Ngaigi ki maugu ma ki kahu meme.

⁷I asa na enoni, vige retegi, se vige hugusigi ma ke toregi vê.

⁸Na enoni, ga riritare, ka pe vivi: “Ge korokoro tangagamu na Araha!” Igê na raramohana na Araha igami kami vi tangagamu: “Mauri koro!”