Read Kahua KI 132 Bible Online

KI 132 - Kahua bible

KI 132

¹Araha, gu takusia o Tavite ma na ara ni mamasiaganiha, ga tarahua.

²Araha, gu takusia aporo na suruha iana, na tohenga iana tangago, God raramohaga hunigo, o Jakobo ki rahesigo.

³Ngaia ki tohe, ki vi ngaia: “I asa hagetage be râ i pasiku, se be tâ i banaku.

⁴I asa hagetage be mamaro se be mauru,

⁵mataro me kê torea na ruma tanga na Araha, na agua tanga God raramohaga hunia, o Jakobo ki rahesia.”

⁶Na tamasinga renia na Bokesi na Suruheri igami kami rongoa i Beteleme, ma kami tarahua igê na bena i Jearimi.

⁷Igami kami vi: “Ge râ i ruma iana na Araha. Ge rahesia igê na atohana.”

⁸Araha, gu mebanu me i Ruma ni Rotu na Bokesi na Suruheri, na girarana na raramohamu raha, ma ku goga tare ikê.

⁹Na mane ni hagarahenga iamu ke paronga koro ma ke oto tare, ma na kariamu ke ngerengere vagevage.

¹⁰Igo ko bani suru tanga o Tavite, na kariamu. Araha, siana ko murisigea na maneraha, go bani atea.

¹¹Igo ko bani tohe tanga o Tavite, ma ki asa, vigu tohe vero. “Inê kê page atea na hitangita o karemu, ki page maneraha urusigo.

¹²Manga o karemu ma ka marupea na suruheri iaku henira, ma ka râ surigi na ramata, gê hagesurira renigi, o kareta nogata ka page maneraha heheuri urusigo tare.”

¹³Na Araha ki bani atea Sione. Ngaia ki obania, vi goga i ngekana.

¹⁴Ngaia ki vi: “Ikê be goga tare igê. Ikê nga inê kê obania, vigê araha igê.

¹⁵Inê be vatea nga Sione na marâ hato, i obanigi, ma be hagangêra masu na enoni matareha igê.

¹⁶Na mane ni hagarahenga igê inê be aganarira igê na ara ni tagaraha hato iata. Ma na kariaku ka page kiki ma ka page ngerengere vagevage.

¹⁷Ikê inê be atea igê na hitangita na raraha iana o Tavite, ke maneraha, ke rongo raha na atana. Ikê inê be katoa ke tâtâ nga na arahanga iana na maneraha, gê bani atea.

¹⁸Inê be hagamakira bâraha na merongana. Ma na arahanga iana ki page raharaha ma ki page katoa na ramana.”